2 Kọrịntịapụ 8:3 - Ibani New Testament

³ A onyẹ́sẹ n pịrịm, nnị, nnị ineḅara pa pịrịm, n pịghị nna ịnyọ nẹ́ngịma ḅara pa pịrịm, kị́nị́ n sumágha pa.

2 Kọrịntịapụ 8:3 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 14:8

Árị árị ine nyẹ mịẹm; a kụ́nụ́ pulo pa ị́yẹ́ oju ḅụ saram pa anị tẹ́lẹ́ma warị anị dipi sáá pịrị.

Fịrị Ḅara 11:29

Krais ọḅụduaapụ ma tọ́ọ pẹ́lẹ́m ḅẹ́ nna ḅụ ọ́rụ́ḅọ ọ́rụ́ḅọ n ḅo ineḅara mịẹbẹm sị nyẹ pa nna jẹa mininiapụ fịrịma Judiya ḅụ.

Romapụ 10:2

A onyẹsẹ́ n pịrịm ḅẹ́ nnị ibima dọghụarị nnị Tamuno ma tẹ́ghẹ̄, kụ́ma nna ibima Tamuno tẹ́ghẹ̄ dọghụma anị tụ́ma níminyẹ ḅụ gbánāgha.

1 Kọrịntịapụ 16:2

Párị éné wiki gonyẹ́ gonyẹ́ ḅụ, ọ́rụ́ḅọ ọ́rụ́ḅọ gbẹ́rẹ́ igbii bịpị si warịị, n ḅọ nyáná igbii láa ḅara ḅụ, sị anị keke warị, sị a ḅo bẹ sa ọmịnị jẹ́ daaigbii daabịgha ḅara.

1 Kọrịntịapụ 9:17

A ḅọ́rọ́ i tẹ́mẹ́bie fịrị ma nwángị kị́nị́ i sumagha pa a gbẹ́ẹ̄ nyẹ nyánábẹm; kụ́ma a fịrị ḅara pa anị nwángịm tegó Tamuno mị fịrị ma saghị i pịrịmam ḅẹ́ a anị nwángịị.

Galesiaapụ 4:15

Ọmịna bieḅẹlẹ parị ma, anị tẹ́ angaá imii tẹ́ pághá sị mịnanyẹ mamgba dima? Ịrị ḅụgbọrụ a ine dughobẹm ḅẹ́ ḅọ́rọ́ ọmịnị ine bẹ ọkụ́ma, ọmịnị ọmịna tọ́rụ́ sọghụ sị, anị pa i pịrịbẹm.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Kolosiapụ 4:13

A ine onyẹ́sẹ ọ pịrịbẹm ḅẹ́ ori ịnyọsua fịrịnwangị ọ pịrịarị na pịghị Laodisiya na Herapolis ḅụ fịnịapụ pịrịm.

1 Tẹsalonaikaapụ 2:8

Wa nyáná ọ pịrị ḅẹlẹma gosi, wa tẹ́lẹ́mamam ibi oku ma ngéréghaa wa dugho wásáma ọ pịrị ḅẹnyẹ kụ́ma wámịna duma sọ tegó ọmịnị opuma wa ḅụ nyẹ́lam.

Fịlẹmọn 1:14

A bẹnyẹ bẹnyẹ mịẹbiegha ḅọ́rọ́ ị minigha, kụ́ma a biibẹm ḅẹ́ ị́ ịtemeḅie pa anị mịẹ anịḅọ kụrọ tọ́rụ́ nyẹ diighibieghaa ḅara.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

1 Pita 5:2

A ọ tẹ́ghẹ̄m ḅẹ́, ọmịnị ánánákúrúapụ sọ Tamuno pa ọ pịrị ánánáawọ́ ma pịrị, ọmịnị ọ tẹ́mẹ́bie gbọrụ pa n siḅe Tamuno ma bi ḅara. Ọ mịẹma sọ́ḅọ́rọ́ nnị pa ọ kọngọ kpọm ọ pịghị mịẹma igbii go. Kụ́ma kúkúbie fịrịnwangị Tamuno ma pịrị dọghụ tẹ́mẹ́.