2 Kọrịntịapụ 7:11 - Ibani New Testament

¹¹ Dighi Tamuno ọmịna biesii ma pa mịẹnyẹ, anị mịẹsị ọ saghị nyẹ́ pa nyẹ́ simam anị ọ pụghọ tárịarị ḅara ḅẹẹ o die ḅẹẹ ọmịna ḅara fiafiam, ọkọfịnị igani, ọkọfịnị silé ọkọfịnị pụghọ tárịarị nyẹ, ọkọfịnị fịrịnwangị ịnyọ, ọkọfịnị tọ́rụ́ pa siiarịma irima nyẹ pịrị. Nyẹ gonyẹ́ gonyẹ́ ḅụ ọmịnị ọmịna ḅụ diemam ḅẹẹ irima ọmịna ḅụ ofori ḅẹ́rẹ́ mamgba ḅụ.

2 Kọrịntịapụ 7:11 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 3:5

Jizọs bie akụm, ọ tọ́rụ pịghị n dighi ḅara ḅụ, kụ́ma anị gbẹ́rẹ́ sáá ma ḅụ ọ pịghị tọ́rụ́kụrụkụrụụ́ nyána n pịrịm, tegó nna sịbịbie opuma kụrọm pịghị irima irimam. Anịsáa ọ warị owitụ́wọ ma ḅẹẹ, <<Ị ḅara sughuu paghamaa.>> Ori ọ ḅara ma sụghụma pághámam, ọ ḅara ma warị gwọọ.

Ibi Oku Ma Jọn Anị Gịẹ Ḅara 2:17

Ori ọḅụduaapụ warị pa biekóróma ḅẹ́ n gịẹ ḅọ́rọ́man tọ́ndiri ma bie ḅẹẹ, <<Ị́yẹ́ wárị fịrị ma ḅẹlẹma, ibie dọ́ghụ́maarị fịnị ḅara ma.>>

Fịrị Ḅara 17:16

Pọl Atensi ḅụ Sailas na Timoti kúruarị sáá, ọ ḅo árị ḅom n kárá tamuno ámá ma bie bi ḅara, anị warị opuma ọ tẹ́mẹ́ iganima.

Romapụ 11:20

Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

Romapụ 14:18

Túminị́ mị ḅara pa fịrịnwangị Krais pịrị sa, n Tamuno mịẹm o bieḅẹlẹ túminị́ pịghị ḅara pụ́nụ́ anị pịrị.

Romapụ 3:5

Wa tẹ́ dugho bẹ? Ḅọ́rọ́ wámịna mịẹ irima Tamuno ma karakárá ibiamịẹnyẹ ma die pághámaḅoarị, wamịnị ine dugho bẹ ḅẹ́, Tamuno irimam o fomḅara pa wa fom sa? (A tumḅọ ḅara pa gbilaarị.)

1 Kọrịntịapụ 12:25

Anịgosi puama ofori oju ma ḅụ, kụ́ma mị kịrịkị́rị́ angaá ma gbẹ́rẹ́ ḅẹlẹma nyána jụghọ jụghọ pịrịm.

1 Kọrịntịapụ 5:13

Tọ́ndiri ma bie n gịẹ kórómam, <>

1 Kọrịntịapụ 5:2

Anịsáa ị́yẹ́ opuamịẹnyẹ anị tegósi sughuu? Anịmanakaragha biesii ịḅụ biibiegháa? Ọkọfịnị nyẹ ma mịẹḅọ ma ọmịnị n ḅọ deesi ọmịna mịẹgbólóma ḅụ.

2 Kọrịntịapụ 13:7

Wa Tamuno tẹ́ghẹ́arị ḅẹ́ ọ gbẹ́rẹ́ irima nyẹ sọ mịẹma. Wa mịma mịẹghaa pa die ḅẹ́ wamịnị sáḅá ḅọ́rọ́mam, kụ́ma ọ karakárányẹ ma mịẹbẹ ḅara, tụ́manyẹ ḅẹẹ túminị́ tórúku, wa bịghịmaapụ dighi sọọ.

2 Kọrịntịapụ 2:6

Anị ibimam ḅẹ́ tọghaapụ mị tumḅọ ma pa tọ́rụ́siarịmam mị ḅara ma.

2 Kọrịntịapụ 6:4

Kụ́ma wa mịẹarịnyẹ gonyẹ́ gonyẹ́ ḅụ, wamịnị wa ḅụ diearị ḅẹ́ wamịnị Tamunofịrị nwángịapụ, wa ḅụḅáláḅálá na ḅụ́kụro na ḅụdányẹ ngịrịmaarị ḅara.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

2 Kọrịntịapụ 7:7

Ori ḅo ma ngéré wa bieḅẹ́lẹ́magha kụ́ma o dugho sị ọmịnị ọ tẹ́mẹ́kụ́rọ ma ḅara, o dugho wa pịrịm ọ dọghụ ḅara sị ọmịnị ị́yẹ́ arịị. Anị ọ ḅụ mịẹḅara, ọ pịghị sẹ kụ́rọ ḅara sị isibi fọ́nyá, anịma go mị́sa ị́yẹ́ bieḅẹlẹ ma parị angaá nyẹ ma nẹngịm.

2 Kọrịntịapụ 7:9

Kụ́ma mị́sa i bieḅẹ́lẹ́arị, ḅẹgha ḅẹ́ ọmịna biesiimam gosi, kụ́ma ọmịna biesii ma Tamuno anị pa fịrị nwángịm anịgo wa nyẹ pa ọ lamagha.

2 Kọrịntịapụ 9:2

A nimim ḅẹẹ ọmịna tẹ́mẹ́bie ọ biarị ḅẹẹ ọ ḅárásua, a pịghị ọ pa bịpịkpọ Masidoniyaapụ ma pịrịmam. A ḅẹm ḅẹẹ, <> Anị ọ tẹ́mẹ́bie álála ḅara ma, mú nna ḅụ tọghaapụ timi sághịmamam.

Ẹ́fịsọsapụ 4:26

Ḅọ́rọ́ ḅẹ́ ị́ igani igani, minima sị igani ma i suma siinyẹ bie suu, pịghị minima anị i nana fịnị énédima.

Ẹ́fịsọsapụ 5:11

Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

1 Tẹsalonaikaapụ 4:6

Mị ḅẹ́rẹ́ ma ḅụ, gbẹ́rẹ́ḅọ sọ amịna Krais asọduaḅọ mị́naḅọ irima ma anịgha inomaa. Wa parị mịma dugho ọ pịrịmam pịghị kụ́rọ́ma o birinụ́nụ́ ḅẹ Kị́nị́nyánáḅọ anị nyẹ ma mịẹapụ pa tọ́rụ́siarịmabẹm.

1 Timoti 5:20

Kị́nị́mamgba tórúku igani siinyẹ mịẹapụ pịrị sị kọọapụ anị ḅụ ḅọ́rọ́ ḅáláfaa.

2 Timoti 2:15

Ị́yẹ́ ịnyọ láa ḅara mịẹsị árị ḅẹ́ Tamuno ḅara pụ́nụ́ ị pịrịm, ibifịrị nwángịḅọ ḅara ḅụgịrịrịgha fịrịnwangịḅọ amịna fịrị ḅụ, kuma ibiḅara pa dua muu Tamuno karakáráma láa bẹ oku ma diearị.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 1:17

Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

Judu 1:23

fịnị ma bie isiapụ nụnụ pághámaḅo sị n dụaḅọ́rọ́maa, isiapụ lolomakúkúbie nyáná n pịrị ḅáláfa anị na gwanyẹ, kụ́ma ḅẹlẹma nyáná nna suabịtẹ pịrịma nna siiamịẹnyẹ mịẹsị anị ịlọ́lị nyẹ.

Puu Findi 3:19

<