2 Kọrịntịapụ 7:1 - Ibani New Testament

¹ Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

2 Kọrịntịapụ 7:1 ပူးပေါင်းရင်းမြစ်များ

Matiu 12:33

<

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Matiu 5:8

Karịiḅi fịnị aka na egberi na duma nyánágháapụ pịrị, tegó nnị Tamuno árịbẹm!

Fịrị Ḅara 9:31

Anịị anị pághá ḅara ḅẹ́ Judiya gbọrụ fịnị mininiapụ na Galili na Sameriya diin arịm, Tọ́ntọ́ Tẹ́mẹ́ ḅárásua ḅụ ḅọ́rọ́ nna kịẹbịpị ḅo dụḅam nnị ịnyọ suam pịghị ḅáláfa nyána Kị́nị́nyánáḅọ pịrị.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

1 Kọrịntịapụ 6:20

Ori igbii bịpị pa ọ fẹm, anịgo ọmịna oju ḅụ ọ Tamuno boma.

2 Kọrịntịapụ 1:20

Ori anị <> ma sị pa Tamuno minini nyẹ mamgba pịrị. Mịma go Tamuno Jizọs Krais ḅụ sámámgba <> ḅẹm, wa anị ḅẹ́ pa Tamuno bomaarị.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

Hiburuapụ 12:23

Ọ Tamuno parị yii awọ ma kobiri ḅom, n sobie nnị ẹ́rẹ́ gịẹapụ, o Tamuno dámáḅómam kị́nị́mamgba ḅẹ́rẹ́kọḅọ, na pịghị n mịẹ kpainma ma karakárá ibiamịẹnyẹapụ tẹ́mẹ́.

Hiburuapụ 12:28

Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

Hiburuapụ 6:9

Ị́yẹ́ ibi mịnaapụ wa ḅọ́rọ́ nwọpa ẹ́gẹ́rẹ́kọọ sọ, wa biekpọ nyánam ọ fịnị angaá wa nimim ḅẹẹ ọmịnị ibi mịma nẹ́ngị boma nyanam, ọmịna dụaḅọ́rọ́ma na ḅo nyẹ.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

1 Pita 1:17

Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

1 Jọn 1:9

Wa ḅọ́rọ́ wámịna sii kịẹ Tamuno pịrị, ori ọrẹ minini nyẹ warịbẹm, pịghị karakárányẹ ma mịẹ, ọ wámịna sii ḅụ ḅárási wa pịrịbẹm pịghị wa sịrị fiafiama wámịna irima fịrị gonyẹ́ gonyẹ́ ḅụ.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.