2 Kọrịntịapụ 6:9 - Ibani New Testament

⁹ Wa túminị́ nímighaapụ fịnị ḅara fịnịm, anịsọ kị́nị́mamgba wánimim, wa fịịmaapụ kịkam kụ́ma ọmịnị árị ḅara ḅụ, wa pa dumafịnịm, nnị wa pa tọ́rụ́siarịmam kụ́ma nnị wa ḅagha.

2 Kọrịntịapụ 6:9 ပူးပေါင်းရင်းမြစ်များ

Fịrị Ḅara 17:18

Epikuriya na Stoyiki, opu nyẹ́dieapụ ọ nana nụnam, nna ḅụ jẹ́apụ o gbilam ḅẹẹ, <> Jẹapụ pagharam ḅẹ́ jẹ́ ámá oru gbólómanyẹ anịị o dughoarị nyẹ. Nnị mịma dughom Pọl Jizọs Krais gboloma ibi oku na fịị ḅụ saghị dugho wásámaarị gosi.

Fịrị Ḅara 19:26

Mị́sa ọ kọkọ arịị pịghị ọ ḅara na náa, mị Pọl pa sịḅọ ma mịẹarịnyẹ. O dughom ḅẹ́ n ḅara pa tẹ́mẹ́ tamuno ma tamunogha, ọ pịghị mịẹmam tọghaapụ o minini, mịnga na pịghị Ẹ́fịsọs ḅụ na pịghị Esiya ḅẹrẹtọ angaá mamgba ḅụ.

Fịrị Ḅara 25:19

Kụ́ma kálá nụná nyẹ anịị n nyánányẹ, nna Tamuno nimi gbolomanyẹ na pịghị Jizọs pa sị gbẹ́rẹ́ owitụ́wọ fịịmaá ḅọ, Pọl ḅẹẹ ḅọ ḅẹẹ o dumafịnịm.

Fịrị Ḅara 25:26

Kụ́ma a nyáná sị gịẹ Sẹ́ Táaḅọ ma fịrịma bẹnyẹ ofori. Anịgo a ori akuomam ọmịna tórúku, karakáráma i tórúku Ámányánáḅọ Agiripa ḅẹẹ ị́ ibima tọ́rụ pa ḅẹ́rẹ́ ma ḅụ suu fama sa a ine a gịẹ bẹnyẹ nyánábẹm.

Romapụ 15:19

kụ́rọ ilíghíma na ḅụ́gbérépuma fịrị, Tọ́ntọ́ Tẹ́mẹ́ ma kụ́rọ ḅụ ḅọ́rọ́. Jerusalem ákị mú Ilirikum párángáa mamgba láa, a bii ḅara pa Krais ma ibi oku ma dugho wásámāmam.

Romapụ 8:36

Tọ́n diri ma bie n gịẹ kóróma ḅara ḅẹẹ, <<Ọ sịbị go wa fịị na tọ́rụ́donam éné mamgba ḅụ; nnị wamịnị ákịm sọ́ḅọ́rọ́ n kọngọ pẹlẹ bẹ ánáná.>>

1 Kọrịntịapụ 11:32

Kụ́ma Kị́nị́nyánáḅọ wa sịbị ḅẹ́rẹ́kọm pịghị fomḅara pa wa fom, sị n tuminikiriapụ na wa sua ḅẹ́rẹ́ ḅárásiapụ sọmabịgha ḅara.

1 Kọrịntịapụ 15:31

Ijẹa mininiapụ, a fịị na tọ́rụ́ donaarị éné gonyẹ́ gonyẹ́ ḅụ. A bịpịkpọ ḅara pa mịma dughom wa nyáná duma gosi Krais Jizọs wámịna nyánáḅọ bie, wa ori na gbẹ́rẹ́ ḅụ mịẹ sáá.

1 Kọrịntịapụ 4:9

Ḅẹẹ mị́sa anị ịḅụ fịnị ḅara sọ́ḅọ́rọ́ Tamuno wamịnị nfịrịmaapụ ma pa kunema angaá ma ḅụ wárim, n sịbị ḅẹ́rẹ́pẹ́lẹ́máapụ ḅara ḅẹẹ nnị n kpọ ḅáabẹm kị́nị́mamgba tórúku, sị tuminikiri gbọrụ sookumuapụ na tuminikiriapụ árị bẹ ḅara.

2 Kọrịntịapụ 11:6

Didigha ẹ́gẹ́rẹ́ pụghọ ḅụ ịrị kálátụwọ, kụ́ma níminyẹ ḅụghaa; sámámgba wa mịma mịẹmam sị o nimi tọgha tọgha asọ ḅụ.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 5:11

Wa nimim Kị́nị́nyánáḅọ dighi ḅáláfa dughoarịnyẹ, anịgo, wa ḅụ́kọ́rọ́ma túminị́ tẹ́ghẹ̄m. Tamuno káara ḅara pa wa nimim, ọmịnị sọ pịghị wa nimim.