2 Kọrịntịapụ 4:10 - Ibani New Testament

¹⁰ Sámámgba wa wámịna mẹnị oju ḅụ Jizọs fịị ma dighi ikelekelearị, Jizọs duma ma anị ḅụ diepágháma bẹ ḅara wámịna ḅụbie.

2 Kọrịntịapụ 4:10 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 14:19

Ḅọlọgha kálá sáátụọ ḅụ, tuminikiri ma mịnị jẹ́ pa ị́yẹ́ arịbịgha, kụ́ma ọmịnị ị́yẹ́ árịbẹm. Tegó a dumafịnịm ọmịnị sọ duma fịnịbẹm.

Romapụ 6:5

Wa mịị ḅara ma pa ori na gbẹ́rẹ́ ḅụ mịẹmáa ḅara ma ori fịị ḅụ, wa pịghị gbarịgha ḅụ ori na gbẹ́rẹ́ḅụ ḅụ fịnịbẹm sị saghị duma bie sọ ori saghị duma bie sọ ḅara.

Romapụ 6:8

Wa Krais dua fịịmaá ḅara ma, wa mininim ḅẹ́ wa pịghị ori na duma fịnịbẹm.

Romapụ 8:36

Tọ́n diri ma bie n gịẹ kóróma ḅara ḅẹẹ, <<Ọ sịbị go wa fịị na tọ́rụ́donam éné mamgba ḅụ; nnị wamịnị ákịm sọ́ḅọ́rọ́ n kọngọ pẹlẹ bẹ ánáná.>>

2 Kọrịntịapụ 1:5

Wa diekiri nyáná ḅara ma Krais mánámāná tọ́rụ́siarị ḅụ, anị ḅara ma anị wa pịghị Krais ḅụ ḅọ́rọ́, diekiri nyána ḅara Tamuno opu biedịịnma ḅụ.

2 Kọrịntịapụ 1:9

Anị wa ḅụ fịnị ḅara anị n fịị ḅẹ́rẹ́pẹ́lẹ́ pịrịapụ nna sịbị ọ́gọ́nọ. Mịma go kiriakịnyẹ ọ́ wa wámịna ḅụ tẹ́mẹ́kụ́rọ nyánábịgha ḅara, kụ́ma Tamuno ḅụ ori ngéré fịịapụ sághịmaarịḅọ.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

2 Kọrịntịapụ 4:11

Wámịna duma éné mamgba fịị wamịnị na imi Jizọs gosi, sị túminị́ ori duma árị bẹ ḅara wámịna mẹnị oju ma ḅụ.

Galesiaapụ 6:17

Mị́sa saghị bịpịmú, gbẹ́rẹ́ḅọ sọ mịnị ḅụḅáláḅálá pa i pịrịma tegó ị́yẹ́ oju a dighi ilíghíma ma diearị ḅẹ́ ịrị Jizọs Krais ómóniḅọ.

Kolosiapụ 1:24

Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

2 Timoti 2:11

Mịị anị tẹ́mẹ́ gbánā na ibi dughonyẹ: <

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

1 Pita 4:14

Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.

Puu Findi 1:17

A ori árị sáá, a ọ ḅụọ sughu bị́ghị korom fịịmaaḅọ ḅara ori ọrẹ ámáḅara pa ị́yẹ́ ọ́gọ́nọ gbánam warị ḅẹẹ, <<Ḅáláfama! Irị anịị Parị ma Irịị anịị pịghị Kunema ma.