2 Kọrịntịapụ 2:12 - Ibani New Testament

¹² A ḅo Troas la sa ḅẹ́ a Krais gboloma ibi ẹ́gẹ́rẹ́ ma dugho wásámáa, a arịḅom ḅẹẹ Kị́nị́nyánáḅọ asọ findi i pịrịmam ḅẹẹ a fịrị nwángịị anị ngaa.

2 Kọrịntịapụ 2:12 ပူးပေါင်းရင်းမြစ်များ

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 16:11

Wa vála árụ́ pa wámịna muunyẹ ma muum, warị Troas ḅụ sáḅá kóró mú Samotarase láa, warị mmẹẹ́ kárámá éné mú Niapolis láa.

Fịrị Ḅara 16:8

Anịgo n gbẹ́rẹ́sa Misiya ḅụ ḅọ́rọ́ mú Troas lam.

Fịrị Ḅara 20:8

Tọgha tọndọ kọrịarị ọgọnọ wárị ma ḅụ, wa kobiri fịnịbie ma bie.

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

1 Kọrịntịapụ 16:9

tegó opu ḅụ́pọ́, pa ibifịrị nwángị bẹ ḅụ́pọ́ findi i pịrịmam, kụ́ma tọgha asọ mgbẹsẹapụ imii.

1 Kọrịntịapụ 9:12

Ḅọ́rọ́ jẹapụ ọmịna ḅárábie mịma biiarị, wamịnị wa kọkọ mịma nẹ́ngịma kụ́rọ nyáná? Kụ́ma wa mị kụ́rọ ma pa nyẹ́ mịẹgha. Tụ́manyẹ gonyẹ́ gonyẹ́ ḅụ wamịnị ngịrịma nyánam, sị wamịnị asọ mgbẹsẹ nyẹ dighi Krais gboloma ibi oku ma pịrịbịgha ḅara.

1 Kọrịntịapụ 9:14

Anị gbẹ́rẹ́ ḅara ma Kị́nị́nyánáḅọ bịpị pịrịmam ḅẹẹ ibi oku ma dugho wásámáarịapụ ma, sọ nna fị́fị́nyẹ nyánáḅọ ibi oku ma dugho wásáma ḅụ.

1 Kọrịntịapụ 9:16

A a goo bịpịkpọ bẹnyẹ arịgha tegó a ibi oku ma dugho wásámam gosi, mị ibi oku ma n tọ́ọ ị pịrịm ḅẹẹ a anị dugho wásámáa. Dighi anị si i pịrị láa bẹ ḅara a ḅọ́rọ́ ibi oku ma dugho wásámagha!

2 Kọrịntịapụ 10:14

Wa ọmịnị pa bịpịkpọarị sa, wa bịpịkpọ wamịnị bịpịkpọ na ibiḅara nẹ́ngịgha, tegó wamịnị anịị Krais ibi oku ma akuoo ọ pịrịapụ.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

2 Kọrịntịapụ 11:7

A Tamuno ibi oku ma dugho wásáma ọ pịrị sáá, a gbẹ́rẹ́ igbii so túḅo ọ pịrịgha. A tere yọ akịm sị nnị ọ sághị sóghólo yọ ḅụ kóróma bẹ ḅara, mịma anịị a mịẹ siinyẹ?

2 Kọrịntịapụ 4:3

Ḅọ́rọ́ wa dugho pághámaarị ẹ́gẹ́rẹ́ ma ḅọghu angaá imi, anị ḅọghu angaá fịnị faarịapụ ma pịrịm.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 8:18

Wa ori na, wámịna gbẹ́rẹ́ mị́naḅọ owitụ́wọ fịrịma ḅoarị sọsị mamgba opuma osigha nyáná pịrịḅọ, ọrẹ fịrị ḅụ, ọ Tamuno ẹ́gẹ́rẹ́ ma kọọ wásámaarị ḅara.

2 Kọrịntịapụ 9:13

Ọ nwángị fịrị ma nyána sị die pághámaarị nyẹ gosi tọghaapụ boma pa Tamuno pịrịbẹm ọmịnị Krais ibi ọkụ́ ma osii ḅara, ọ pịghị dugho pághámaarị nyẹ, ọ pịghị ḅara findi nnị na diearị ḅara na pịghị kị́nị́mamgba na.

Kolosiapụ 4:3

Pịghị tẹ́ghẹ̄ wa pịrịị ḅẹ́ Tamuno oku ma dugho wásáma ḅụ́pọ́ findi wa pịrị, sịị wa ine Krais ḅụ fịnị ḅụ́gbérépuma nyẹ ma dugho págháma mị́sa a goo ikólibie fịnịnyẹ.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,