2 Kọrịntịapụ 13:4 - Ibani New Testament

⁴ Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

2 Kọrịntịapụ 13:4 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:18

Gbẹ́rẹ́ḅọ sọ i ḅarabie anị akịịghaa, kụ́ma a i ḅara na anị saghị kórómam. A kụrọ nyáná pa anị saghị kóróma pịghị kụrọ nyáná pa sima anị saghị akị. Mịị Daḅọ ma tọ́ọ i pịrịnyẹ sị a mịẹ.>>

Fịrị Ḅara 2:36

<>

Fịrị Ḅara 3:16

Ori ẹ́rẹ́ ḅụ fịnị kụrọ anị ịnyọ pa mịị ikúléḅọ ma pịrịnyẹ, Mị́sa ọmịnị árị nimi si pịghị mịẹnyẹ ma, ọ́ minini nyáná ori ẹ́rẹ́ ḅụ; minini Jizọs ẹ́rẹ́ ḅụ anịị mị owitụ́wọ ma gwọ́nyẹ ọmịnị mamgba pịghị árị ḅara.

Romapụ 1:4

Ori ḅo ḅara gbolomanyẹ Tamuno ma ḅara, na pịghị ori tọ́ntọ́, Tamuno opu kụrọ ḅụ diem bẹ ori anị Tamuno ma Tụ́wọ ma ori fịị ḅụ ọ saghịma sáá, Jizọs Krais wámịna Nyánáḅọ.

Romapụ 14:9

Mịma ẹrẹ́sị anịị Krais go fịịnyẹ sị pịghị saghị duma ḅụ, ọ Kị́nị́nyánáḅọ sọ duma na fịịapụ ma pịrịbẹ ḅara.

Romapụ 6:4

Wamịnị mingi sára ḅụ ḅọ́rọ́ nnị wamịnị na ori na dipi gbolomam wa pịghị ori na fịịm, anịgosi Daḅọ ma Krais saghịma ḅara ori ḅụ́gbérépuma kụ́rọ ḅụ, wamịnị sọ anị ḅara pa ịwọ duma kọbẹm.

1 Kọrịntịapụ 1:25

Ḅẹ́ Tamuno mịẹsị oḅorisọ kịkanyẹ ma anịị tuminikiri opu níminyẹ nẹ́ngị tẹ́lẹ́mam, Ḅẹ́ pịghị Tamuno ịnyọ nyanagha nyẹ kịkanyẹ, kụrọ tuminikiri ịnyọ nyáná nẹngịm.

1 Kọrịntịapụ 15:43

Nnị anị dipi sáá kuu nyanagha, nnị anị saghịmam ipine ḅụ, ịnyọ ḅụ ofori ḅụ nnị anị dipim, ịnyọ ḅụ nnị anị saghịmam.

1 Kọrịntịapụ 2:3

A ọ damaḅo sáá, ịnyọ ịḅụ ofori ḅáláfa mịẹm si ị́yẹ́ oju mamgba sẹ́ghịm.

1 Kọrịntịapụ 6:14

Tamuno ori kụrọ pa Kị́nị́nyánáḅọ ma saghịmam fịị ḅụ. Anị gbẹ́rẹ́ ḅara ma ọ pịghị wa sághịmabẹm fịị ḅụ.

2 Kọrịntịapụ 10:10

Jẹ́apụ ḅẹbẹm ḅẹẹ, <>

2 Kọrịntịapụ 12:10

Anịgo, Krais sịbị go i bieḅẹlẹm ị́yẹ́ tẹ́mẹ́ oḅuu ḅụ, wirinumo daa, ḅụ́kụro árị, tọ́rụ́siarị arịị, ḅụḅáláḅálá arịị, Krais gosi. Ḅẹẹ i tẹ́mẹ́ oḅuu sáá, anịsáa anịị a kụrọnyẹ.

2 Kọrịntịapụ 13:9

Wa bieḅẹlẹm ḅẹẹ wámịna tẹ́mẹ́ oḅuu sáá gonyẹ́ gonyẹ́, ọmịnị kụrọm. Anịgo wa pịghị tẹ́ghẹm ḅẹẹ, nyẹ gonyẹ́ gonyẹ́ ḅụ ọ kpain.

Filipaiapụ 3:10

A dọghụnyẹ ḅẹẹ, a Krais nimii na pịghị fịị ḅụ ọ saghịma kụrọ ma nimi si pịghị diekiri nyáná ori fịị ḅụ, ḅoo pịghị ọ fịnị ḅara fịnị ori fịị ḅụ.

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.