2 Kọrịntịapụ 11:9 - Ibani New Testament

⁹ A ọ nana fịnị sáá ma ḅụ, sị nyẹ i palịmaa, a anị pa ọḅụ ḅáláḅálámagha, Masidoniya ḅụ sághị ḅo Krais mịná owiapụ ma, a binyẹ gonyẹ́ gonyẹ́ pa i pịrịm. Mị́sa ma ḅụ sọ, a ipalima nyẹ pa ọ ḅụḅáláḅálámaghaa. A pa mịị ḅara ma mịẹ tórúku muubẹm.

2 Kọrịntịapụ 11:9 ပူးပေါင်းရင်းမြစ်များ

Fịrị Ḅara 18:3

Ori nnị na fịnịm pịghị nnị na fịrịnwangịị tegó bịtẹ pa wárị nama fịrị anịị ọ nwángị sị pa ọ ḅụ siḅearị nyẹ nnị ma sọ nwángịarị ḅara.

Fịrị Ḅara 18:5

Sailas na Timoti ḅo Masidoniya láa sáá, Pọl ori sáá fámam, Tamuno ẹ́gẹ́rẹ́ ma dugho wásámaarị, pịghị dugho págháma Juuapụ ma pịrịarị ḅẹẹ, Jizọs ori anịị n Pulo pa Sịbị Saraḅọ ma.

Fịrị Ḅara 20:33

Na a jụghọ pị́naḅala anịgha jụghọ odoḅala anịgha jụghọ suabịtẹ mọnịghaa.

Romapụ 15:26

Masidoniya na Akaya bie fịnị sọsị ma bieḅẹlẹ ḅụ nyẹ ósó pa ḅárásua Jerusalem bie fịnị sị minini igonyiapụ ma pịrịm.

1 Kọrịntịapụ 16:17

I bieḅẹlẹm Stefanasi, Fotunatọs na Akaikosi ḅo láa sáá, wa pálịma sị ọmịnị ine pa wa pịrịgha nyẹ, nnị pa wa pịrịmam.

2 Kọrịntịapụ 6:4

Kụ́ma wa mịẹarịnyẹ gonyẹ́ gonyẹ́ ḅụ, wamịnị wa ḅụ diearị ḅẹ́ wamịnị Tamunofịrị nwángịapụ, wa ḅụḅáláḅálá na ḅụ́kụro na ḅụdányẹ ngịrịmaarị ḅara.

2 Kọrịntịapụ 9:12

Ḅẹẹ mị́sa ọ nwángị fịrị ma Tamuno túminị́ ngéréghaa ọmịnị nnị pálịma nyẹ mịẹ pịrịapụ, kụ́ma anị ḅụ ḅọ́rọ́ tọgha boma ḅọ́rọ́ mú Tamun laarị.

Filipaiapụ 2:25

A sịbịbie kiẹarị ḅẹ́ a sima Epaforoditọs wámịna numboru owitụ́wọ pa ọ fịrịma ibima fịrịnwangimaaḅọ pịghị iju owusọ máaḅọ ori ma pịghị ọmịna oku muḅọ sọm o nyána i pịrịarị ḅárásua gosi.

1 Tẹsalonaikaapụ 2:6

Wa gbẹ́rẹ́ḅọ sọ mịẹgha ḅẹ n ḅo wa túminị́, wamịnị ọmịna ḅara bighaa anịgha jẹapụ ḅarabie.

1 Tẹsalonaikaapụ 2:9

Wámịna Daa awọ, ọ kọkọ biekóróma wa nwángị kụ́rọ́fịrị, dii na ḅa na wa wámịna ḅara pa fịrịnwangịm sị wa ḅụḅáláḅálá dighi gbẹ́rẹ́ḅọ sọ pịrịbịgha ḅara, wa Tamuno ḅara saghị ḅo oku ma dugho wásáma ọ pịrị ḅara.

Hiburuapụ 11:37

Nnị mgbọ́lụ pa n gbim, nnị akanị kọapụ agidi pa n pa mmẹẹ́ diem, nnị áláápụ́-ágidi pa n gbogboḅam, n nwángị ikelekelearị ánáná anịgha oḅori apara sua oju ḅụ, simini, nnị n pa tọ́rụ́siarịmam pịghị nna mbásịm.