2 Kọrịntịapụ 11:7 - Ibani New Testament

⁷ A Tamuno ibi oku ma dugho wásáma ọ pịrị sáá, a gbẹ́rẹ́ igbii so túḅo ọ pịrịgha. A tere yọ akịm sị nnị ọ sághị sóghólo yọ ḅụ kóróma bẹ ḅara, mịma anịị a mịẹ siinyẹ?

2 Kọrịntịapụ 11:7 ပူးပေါင်းရင်းမြစ်များ

Fịrị Ḅara 20:33

Na a jụghọ pị́naḅala anịgha jụghọ odoḅala anịgha jụghọ suabịtẹ mọnịghaa.

Fịrị Ḅara 20:34

Ọmịnị kọkọ ibima nimii ḅẹ́ a mị ḅara ma pa fịrịnwangịmam sị pa a binyẹ gonyẹ́ gonyẹ́ na i duaapụ binyẹ gonyẹ́ gonyẹ́ pịrịm.

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

1 Kọrịntịapụ 9:12

Ḅọ́rọ́ jẹapụ ọmịna ḅárábie mịma biiarị, wamịnị wa kọkọ mịma nẹ́ngịma kụ́rọ nyáná? Kụ́ma wa mị kụ́rọ ma pa nyẹ́ mịẹgha. Tụ́manyẹ gonyẹ́ gonyẹ́ ḅụ wamịnị ngịrịma nyánam, sị wamịnị asọ mgbẹsẹ nyẹ dighi Krais gboloma ibi oku ma pịrịbịgha ḅara.

1 Kọrịntịapụ 9:6

Ịrị na Banabas ngéré anịị fịrịnwangị bẹapụ sị pa nna ḅụ siḅe?

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 10:16

Anị ọkọ koro koro, Kọrịntị ngéréghaa ẹ́gẹ́rẹ́ ma náa bẹnyẹ kụ́ma wa mú ibi oku ma dugho wásáma jẹ́ sẹapụ pịrịbẹm, wa túminí daákịbịgha Tamuno tọ́ọ kọ́rọ́ma jẹ́apụ pịrị fịrịkiri ḅụ.

2 Kọrịntịapụ 12:13

A ị́yẹ́ ḅụḅáláḅálá pa ọmịna ḅụ gbánāgha sima, a tẹ́ sii ḅara pa ọ́ nana ngaa kịrịnyẹ, a pa isi sọsị sọsị ma na ngagha nyẹ?

2 Kọrịntịapụ 2:12

A ḅo Troas la sa ḅẹ́ a Krais gboloma ibi ẹ́gẹ́rẹ́ ma dugho wásámáa, a arịḅom ḅẹẹ Kị́nị́nyánáḅọ asọ findi i pịrịmam ḅẹẹ a fịrị nwángịị anị ngaa.

1 Tẹsalonaikaapụ 2:9

Wámịna Daa awọ, ọ kọkọ biekóróma wa nwángị kụ́rọ́fịrị, dii na ḅa na wa wámịna ḅara pa fịrịnwangịm sị wa ḅụḅáláḅálá dighi gbẹ́rẹ́ḅọ sọ pịrịbịgha ḅara, wa Tamuno ḅara saghị ḅo oku ma dugho wásáma ọ pịrị ḅara.

2 Tẹsalonaikaapụ 3:8

Wa gbẹ́rẹ́ḅọ sọ ḅárásua daákịgha anị gbẹ́nyẹ gbẹẹgha pa, tụ́ma wa tọ́rụ́siarị fịrị nwángịm, wa dii na ḅá ḅụ fịrị nwángịgha sị ọmịnị wámịna ḅụ igbii ngumabịgha ḅara.