2 Kọrịntịapụ 11:3 - Ibani New Testament

³ A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Kọrịntịapụ 11:3 ပူးပေါင်းရင်းမြစ်များ

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Romapụ 12:8

ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 11:20

Ọmịnị ngịrịma nyáná omoni pa o mịẹapụ pịrịm anịgha ọmịnị mbasịapụ, anịgha dia tuú ọ pịrịapụ pịrịm, anịgha ọ dighi teremáapụ, anịgha pịghị ḅara findi ọ ḅụ́rọ́apụ ọmịna tórúku.

2 Kọrịntịapụ 11:29

Túminị́ tẹ́mẹ́ oḅuu gbẹ́rẹ́kiri i tẹ́mẹ́ sọ n dua óḅúghum, tumḅọ siinyẹ bie soo gbẹ́rẹ́kiri, ịrịsọ ị́yẹ́ oju mịnị diingha.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

Galesiaapụ 1:6

Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma.

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 4:11

Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

Kolosiapụ 2:4

A mịma dugho ọ pịrịarị gbẹ́rẹ́ḅọ so ḅẹlẹ bịpị nyẹ nụná pa oḅori pa ọ sibịẹgha ḅara.

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

1 Timoti 2:14

Adamugha nnị oḅori pa sịḅọ, ọ́rụ́ḅọ ma anịị nnị oḅori pa siiḅọ sị a muu Tamuno ologho kóóró.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

Taitọs 1:10

Ḅẹ́ tọghaapụ imi osigha nyáná kụrọnyanáapụ pịrịghaapụ, sị ofori ofori nyẹ dughoarịapụ pịghị mịẹsị jẹ́apụ n minini. Mịma anị jẹa Juuapụ Krais ḅụ ḅo mininimáapụ mịẹarịnyẹ.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

2 Pita 3:17

Kụ́ma ọmịnị ị́yẹ́ ibi nángwọ́apụ ọ tarị mịma nimimáa sáá, ọmịnị ọ tọ́rụ́ findi si ólóghó kokoghaapụ ma ọ daa irimagha, si o sóórókoro ọ sẹ ibi ngaa ḅụ.

2 Pita 3:3

Parị nyẹ, a bim ọ kanyaḅo ḅẹ́ kunema sa ma ḅụ, jẹ́apụ págháḅobẹm nna duma bie n dighi nwangịarịnyẹ anịị nna ojumẹnị tárịnyẹ gonyẹ́ gonyẹ́ n pịghị ọ kombobẹm.

1 Jọn 2:18

Ị́yẹ́ awọ, kunema ma kikiamam; n koko dugho ọ pịrị ḅẹ́ Krais iruonaḅọ ma ḅobẹm; mị́sa tọgha Krais iruonaapụ págháḅomam, anị wa ḅọ́rọ́ pịghị nimi angaá ḅẹ́ kunema ma kikiamam.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 12:15

Anịsáa ḅụọ nyáná ododó ma warị ọ bịpịbie opu mingi ọsụ pághámaḅo opu mingi ma a dighiákị bẹ ḅara.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 20:2

Ọ ḅụọ nyáná ódódó ma kuum, olom sáá ódódó ma anị́ị́ ẹ́kpẹ́dua ma anịgha Satanị. Warị ịkóli suanyẹ pa o sua, kụ́rá mmẹẹ́ a ndẹ́ẹ oyia si findi.