2 Kọrịntịapụ 10:8 - Ibani New Testament

⁸ A ḅọ́rọ́ sárásárá ḅara pa bịpịkpọ bẹ, anịị Kị́nị́nyánáḅọ ma pa wa pịrịmaá kụ́rọ sị wa pa ọmiẹ sẹnịmaa, tụ́ma ọ nụ́nụ́ kiri kóróma bẹ nakaragha, mịma ị ḅụ́gịrịrịmabịgha.

2 Kọrịntịapụ 10:8 ပူးပေါင်းရင်းမြစ်များ

2 Kọrịntịapụ 1:24

Ḅẹgha ḅẹ́ wa dugho ọ pịrịarị ḅẹ́ ọ minini, wa nimim ḅẹ́ ọ sẹ kụrọm ọmịna minini ḅụ, Anịmanakaragha wamịnị ó nana nwángị gbólomaarị ọmịna bieḅẹlẹ bẹ ḅara.

2 Kọrịntịapụ 10:4

Wa pa owusọarị ọ́mụ́gbinyẹ ma, tuminikiri ọ́mụ́gbi nyẹ́gha, kụ́ma Tamuno kụrọ ọ́mụ́gbinyẹ sị wa pa ine iruonaapụ ma kụ́rọ yọ gúlúgúlúmaarị nyẹ, wa pịghị epele nyẹ́nụ́na gúlúgúlúmaarị.

2 Kọrịntịapụ 10:9

A bigha ḅẹẹ ọmịnị ị́yẹ́ árị ḅẹẹ a gịẹárị diri ma a anị pa ọmịna ḅáláfáma dọ́ghụm.

2 Kọrịntịapụ 12:19

O sị ḅẹẹ mị́sa mamgba wa wámịna ḅụ pighiarị ọmịna toruku. Anị ọkọ fịnịgha Tamuno ị́yẹ́ onyésẹ̄ḅọ ḅara, a karakáráma dugho ọ pịrịm Krais ómóniḅọ ḅara. Wa pịghị mịẹarịnyẹ gonyẹ́ gonyẹ́ mịnaapụ, anịị pa ḅárásua ọ pịrị!

2 Kọrịntịapụ 12:6

A ḅọ́rọ́ bịpịkpọ dọghụ, a oḅoriḅọ sọbịgha tegó a karakárányẹ ma dughobẹm. Kụ́ma a bịpịkpọbịgha tegó a bigha túminị́ jẹ́ tụ́ma ḅara pa i dighi, nnị árịnyẹ na pịghị i bịpị nnị náanyẹ ḅụ ḅọ́rọ́.

2 Kọrịntịapụ 13:10

Anịị a go mị diri ma gịẹnyẹ a ọmịna ḅụ ḅọlọanga fịnị sáá; sị a ḅo láabẹ sáá, a mịnị kụ́rọ na ọmịnị na mịẹbịgha ḅara. Kị́nị́nyánáḅọ mịị kụ́rọ ma pa i pịrị pa ọ mịẹ sẹnịmaa, pa ọnụ́nụ́ka bẹ nyẹ́gha.

2 Kọrịntịapụ 13:8

Tegó wamịnị ine gbẹ́rẹ́nyẹ sọ mịẹ karakárányẹ ma pụ́nụ́mabịgha, kụ́ma wa nyẹ mịẹ karakárányẹ ma pịrịbẹm.

2 Kọrịntịapụ 7:14

A i pa bịpịkpọ ọ pịrịm, ị pịghị ḅụgịrịrịmaghaa. Sámámgba wa karakárá ma dugho ọ pịrịmam, anị gbẹ́rẹ́ ḅara ma, wámịna bịpịkpọ Taitọs tórúku ḅo karakárányẹ sọmam.

2 Kọrịntịapụ 7:4

A opu biekpọ nyanam ọmịna ḅụ, a pịghị ó pa opuma bịpịkpọm, wámịna ḅụḅáláḅálá mamgba ḅụ, a opu biekụ́rọ nyánam, ị́yẹ́ bieḅẹlẹ kunema nyanagha.

Galesiaapụ 1:1

Irị Pọl, n sịḅọ ḅẹẹ o ḅo mị nfịrịmaḅọ ma fịrị nwangịị, ị́yẹ́ sị ma, tumḅọ ḅara saghị ḅogha anịgha túminị́ mịẹnyẹ ḅụ ḅọ́rọ́, kụ́ma Jizọs Krais ḅara na pịghị Tamuno Daḅọ ma ḅara saghịḅom, fịị ḅụ ọ saghịma ḅọ.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.