Irị i ḅara na i sịbị nyáná owitụwọgha? Irị nfịrịmaḅọghaa? Na a Jizọs Krais wámịna Nyánáḅọ arịgha? Ọmịnị Kị́nị́nyánáḅọ ma bie a nwángị fịrị ma bie sághị ḅo sọ́nyegha?
Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.
Nnị Krais ómóniapụ? A nọmḅọ ḅara pa ẹ́gẹ́rẹ́kọarị kụ́ma a ibii nnị nẹngịm! A fịrịnwangị nnị nẹngịmam, nnị i pa ịkóli bie sua nnị nẹngịmam, a fomḅara daá nnị nẹngịmam, a pịghị tọgha sáá ḅụ fịị na kikiamam.
A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.
Ọ dọghụ ilíghíma gonyẹ́ gonyẹ́ ọmịnị árịbẹm ḅẹ́ Krais i bịpị pa ẹ́gẹ́rẹ́kọarị, ori ọ nana mịẹarị sáá, ori kụ́rọ nyanagha ḅọ kịkagha, anịmanakaragha ori ọrẹ kụ́rọ diearị ọmịnị ogboku bie.
Wa pịghị mị́sa sima wa ḅụ túminí ọ pịrịgha, tụ́ma wa pa ọ pịrịarị ọ go wa pa bịpịkpọ bẹnyẹ. Si ọmịnị sọ ine n pagharaa bẹ ḅara, bịpịkpọ nnị tọ́rụ́ pa árịarị nyẹ pịrịarịapụ, sị túminị́ tẹ́mẹ́bie fịnịnyẹ wárịso.
Wamịnị Tamuno ju saghịḅom, Tamuno nimiḅọ gonyẹ́ gonyẹ́ wa pughu pughum, Tamuno ju saghị ḅoghaapụ wa púghú pughugha. Mịị ḅara ma anịị wa karakárá ma Tẹ́mẹ́ lighilighi ḅoarị ḅara epeleti tẹ́mẹ́ ḅụ.