2 Kọrịntịapụ 10:4 - Ibani New Testament

⁴ Wa pa owusọarị ọ́mụ́gbinyẹ ma, tuminikiri ọ́mụ́gbi nyẹ́gha, kụ́ma Tamuno kụrọ ọ́mụ́gbinyẹ sị wa pa ine iruonaapụ ma kụ́rọ yọ gúlúgúlúmaarị nyẹ, wa pịghị epele nyẹ́nụ́na gúlúgúlúmaarị.

2 Kọrịntịapụ 10:4 ပူးပေါင်းရင်းမြစ်များ

Fịrị Ḅara 7:22

Nnị ibiḅaa dáwọnyẹ pa ọ dáwọ́mam Ijipiti ḅụ ori ọ́ kụrọ tumḅọ, pịghị ibi ẹ́gẹ́rẹ́ pụghọ nyáná.

Romapụ 13:12

Díi ma ḅọlọ ju lámam, énéḅa ḅárákúu imi, anịgo o ḅo wa kánákáná fịrị ma pa angaá ḅọ́rọ́ma sị warị baá ọ́mụ́gbinyẹ ma ákị sua.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

1 Kọrịntịapụ 2:5

Anịsáa, ọmịna minini túminị́ nyẹ́nimi ḅụ sẹrẹrẹgha kụ́ma Tamuno ọ́gọ́nọ ḅụ.

1 Kọrịntịapụ 9:7

Tọ́rọ fịnị ọ́mụ́gbiḅọ, ọ ḅárákū igbii pa ọ ḅụ siḅe siḅe? Ọ tọrọ́ fịnị dụadipiḅọ ọ dipi sị ma sịmgbọ́lụ fịbịghaa? Tụọ ánáná didighiḅọ ánáná ma ḅụ saghị ḅo indomingi pa nyẹ miẹbịghaḅọ?

2 Kọrịntịapụ 10:8

A ḅọ́rọ́ sárásárá ḅara pa bịpịkpọ bẹ, anịị Kị́nị́nyánáḅọ ma pa wa pịrịmaá kụ́rọ sị wa pa ọmiẹ sẹnịmaa, tụ́ma ọ nụ́nụ́ kiri kóróma bẹ nakaragha, mịma ị ḅụ́gịrịrịmabịgha.

2 Kọrịntịapụ 13:10

Anịị a go mị diri ma gịẹnyẹ a ọmịna ḅụ ḅọlọanga fịnị sáá; sị a ḅo láabẹ sáá, a mịnị kụ́rọ na ọmịnị na mịẹbịgha ḅara. Kị́nị́nyánáḅọ mịị kụ́rọ ma pa i pịrị pa ọ mịẹ sẹnịmaa, pa ọnụ́nụ́ka bẹ nyẹ́gha.

2 Kọrịntịapụ 3:5

Wámịna ḅụbie ḅẹnyẹ ḅẹnyẹ ofori, mịẹsị wa go ine dughoarịnyẹ ḅẹẹ, wa ine mị fịrị ma nwángịbẹm. Wa nyáná ịnyọ ma Tamuno ḅara anị́ị́ anị sághị ḅo nyẹ.

2 Kọrịntịapụ 4:7

Kụ́ma wamịnị mị ngọ ma nyánam ọ́rọ átụ́ma ḅẹlẹbie pa diepágháma ḅẹ́ kụrọmamgba nẹ́ngị kụ́rọ Tamuno ḅara sághị ḅom, wámịna ḅara sághịḅogha.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

1 Timoti 1:18

Timoti, i tụwọ a mị againma ma pa ị pịrịm, ị sịbị kóró ikiakoro ma koro ḅara ḅụ, ḅẹẹ ịrị mịị againma ma dua sa, ị tụ́ma ọmụgbiḅọ ḅara pa ọmụ́gbibẹm.

2 Timoti 2:3

Krais Jizọs ibi ọmụ́gbiiḅọ ḅara, wamịnị na wamịnị árịarị tọ́rụ́siarị ma arịị.

Hiburuapụ 11:30

Minini anị mịẹsị Jeriko gbiri ikelekelé onu ma soghoro kórónyẹ Izirẹlịawọ anị nwángị ikelekele sáá sọ́nọ́ma dii.