2 Kọrịntịapụ 10:1 - Ibani New Testament

¹ Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 10:1 ပူးပေါင်းရင်းမြစ်များ

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Matiu 21:5

< >>

Fịrị Ḅara 8:32

O goo yọ ma Tọ́ndiri ma ḅụ, mị anịị, <

Romapụ 10:20

Aizaya ḅáláfaghaa ḅara pa dughom o dugho sa, I dọghụghaapụ anịị i dọghụ pághámaḅoapụ; I gbilaghaapụ anịị a ḅụ pa dieapụ.

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 15:15

Mịị diri ma bie a ḅáláfaghaa ḅara pa jẹa ẹ́gẹ́rẹ́ sịbị kọmam, pa sima anị pa ọmịna biekóróma. Tamuno nyáná i pịrị tọ́rụ́kụrụkụ́rụ́ gosi, a ḅáláfá nyánágha

1 Kọrịntịapụ 2:3

A ọ damaḅo sáá, ịnyọ ịḅụ ofori ḅáláfa mịẹm si ị́yẹ́ oju mamgba sẹ́ghịm.

1 Kọrịntịapụ 4:10

Krais goo, wamịnị oḅoriapụ sọọm; kụ́ma ọmịnị nyẹ́nimiapụ sọọm Krais ḅụ! Wamịnị ịnyọ wa ḅụ ofori, kụ́ma ọmịnị ọ kụrọm! Nnị wa dighisimam kụ́ma nnị o dighi sóghólomam!

1 Kọrịntịapụ 4:21

I tẹ́ angaá nyẹ ḅẹlẹma? Ị́yẹ́ ḅoo ma a fom nyẹ́ akuoo anịgha ḅẹlẹma na diin tẹ́mẹ́?

2 Kọrịntịapụ 10:10

Jẹ́apụ ḅẹbẹm ḅẹẹ, <>

2 Kọrịntịapụ 10:2

Anịgo a ọ tẹ́ghẹ̄m, ọmịnị i mịẹma sị a kụrọ pụghọ pa ẹ́gẹ́rẹ a anị ngá láa sáá. A nimim ḅẹẹ a kụ́rọ pụghọ pa ẹ́gẹ́rẹ́ kọọbẹm a bịpị pa obiarịapụ ma na dona sáá, dughoapụ ḅẹ́ wa tuminikiriapụ nyẹ́ mịẹ ḅara pa nyẹ mịẹm.

2 Kọrịntịapụ 10:7

Ọ nyẹ dighiarị anị fịnị ḅara ọgọnọ ọgọ́nọ́. Ḅọ́rọ́ tumḅọ biekpọma nyánam ḅẹ́ n ḅọ Krais nyẹẹ, anịḅọ ma pịghị sima akanyaḅo ḅẹ́, wamịnị sọ Krais nyẹẹ, n ḅọ ma so Krais nyẹẹ ḅara ma.

2 Kọrịntịapụ 11:21

Anị i ḅụgịrịrịmaarị dugho ḅẹẹ, wamịnị ine tọ́rụ́ nyanagha sị mịnanyẹ ma mịẹ! Kụ́ma ḅọ́rọ́ kị́nị́ bịpịkpọ pịrịbẹnyẹ fịnịfịnị a oḅoriḅọ ẹ́gẹ́rẹ́ ḅara ma pa ẹ́gẹ́rẹ́arị irịsọ a pịghị ọkọfịnị bịpịkpọbẹm.

2 Kọrịntịapụ 11:30

A ḅọ́rọ́ bịpịkpọ bẹ, a bịpịkpọ mịẹsị i tẹ́mẹ́ oḅuumaarị nyẹ ma pịrịbẹm.

2 Kọrịntịapụ 12:5

A ọkọfịnị tumḅọ pa bịpịkpọbẹm, kụ́ma a ịḅụ pa bịpịkpọbịgha, tụ́ma diearịnyẹ ma sima ḅẹ́ i tẹ́mẹ́ oḅuum.

2 Kọrịntịapụ 3:12

Wa mị tọ́rụ́ dighinyẹ ma nyánam gosi, wa kị́nị́ dighigha.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

2 Kọrịntịapụ 7:4

A opu biekpọ nyanam ọmịna ḅụ, a pịghị ó pa opuma bịpịkpọm, wámịna ḅụḅáláḅálá mamgba ḅụ, a opu biekụ́rọ nyánam, ị́yẹ́ bieḅẹlẹ kunema nyanagha.

Galesiaapụ 4:13

Ọ́ kọ́kọ́ nimi ḅẹ́ a goo ine Krais ibi oku ma akuoo ọ pịrịnyẹ, parị sáá ma ḅụ ọ ḅẹ́ a obim gosi.

Galesiaapụ 5:2

O pughu, ịrị Pọl anịị mịma dugho ọ pịrịarịnyẹ, ḅọ́rọ́ ọmịnị ọmịna ḅụ warịsom ḅẹ́ nnị ọmịna tọ́ngọ̄ pẹ́lẹ́ anị dughoarị ḅẹ́ Krais ọmịna ḅụ sọnyẹ sọgha

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Filipaiapụ 4:5

Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

2 Tẹsalonaikaapụ 3:17

Ịrị Pọl i ḅara pa mịị sịbịpị ma gịẹm. Mịị a ḅara pụnụ a gịẹ diri gonyẹ́ gonyẹ́ pịrị pịrị ḅara; mịị a gịẹ gịẹ ḅara.

Fịlẹmọn 1:19

Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá.

Fịlẹmọn 1:9

Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.