2 Kọrịntịapụ 1:12 - Ibani New Testament

¹² Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 1:12 ပူးပေါင်းရင်းမြစ်များ

Fịrị Ḅara 23:1

Pọl dada ámáḅẹ́rẹ́dughoapụ ma dighim warị ḅẹẹ, <>

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

Romapụ 9:1

A tụ́manyẹ ma dughoarị Krais ḅụ mininiḅọ ḅara ḅụ a iruonyẹ dughogha, Tọ́ntọ́ Tẹ́mẹ́ ma ḅẹrẹtọ pịrịarị i tẹ́mẹ́bie pịghị onyẹsẹ́ i pịrịarị ḅẹ́ a iruonyẹ dughogha.

1 Kọrịntịapụ 1:17

Ḅẹ́ Krais i fịrịmagha ḅẹẹ a ḅo mingi saraa kụ́ma ori i fịrịmam ḅẹẹ a ḅo ibi oku ma dugho wásámáa, tuminikiri opu nyẹ́nimiapụ ẹ́gẹ́rẹ́ pa anị dugho wásámaghaa, sị arịị ḅẹẹ Krais fịị mgbẹsẹ sị́ ọ́gọ́nọ ḅoo kụrọ nyanagha nyẹ sọbịgha ḅara.

1 Kọrịntịapụ 12:8

Tẹ́mẹ́ ma pa gbẹ́rẹ́ḅọ pịrịarị opu níminyẹ oku, mị gbẹ́rẹ́ Tẹ́mẹ́ ma níminyẹ oku pa jụghọ pịrịm,

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

1 Kọrịntịapụ 2:13

Anịgosi wa tuminikiriapụ pa wa die níminyẹ pa ẹ́gẹ́rẹ́ kọọgha, kụ́ma Tẹ́mẹ́ ma pa wa die ẹ́gẹ́rẹ́, wa tẹ́mẹ́nyẹ ma karakárá puu findi Tẹ́mẹ́ ma nyánáapụ pịrịị.

1 Kọrịntịapụ 4:4

I tẹ́mẹ́bie fiafiam, kụ́ma anị dughoghaa ḅẹẹ na a jẹ́ éné siinyẹ mịẹghaa. Kị́nị́nyánáḅọ ma ori anịị i sịbị ḅẹ́rẹ́kọḅọ

1 Kọrịntịapụ 5:8

Anịgosi o ḅo wa álálị ma wárị, mịnị olom yisti ma pa anị warịgha anịgha siiamịẹnyẹ na sii sịbịbie nyẹ́gha, kụ́ma fíafía na karakárá fịtúrú yisti bie ófórigha fịtúrú.

2 Kọrịntịapụ 1:17

A mịma tọarị sa, a sárásárá ḅara pa ịḅụ warịị́? A iyẹ nyẹ tọarị sa a tuminikiriapụ ḅara pa anị tọ́ọ, sị tẹ́lẹ́ma fịnị sị <> na <> ḅẹ́ anị gbẹ́rẹ́sa ma ḅụ?

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

Galesiaapụ 6:4

Fịnịḅọ, fịnịiḅọ ọra mịẹnyẹ daádighi. Anị ibii nḅẹ́ḅẹ́ẹ́ anị sáá ori ine bịpịkpọbẹm ọmiẹmaa nyẹẹ, kụ́ma nna ḅụ pa jụghọ jụghọ na tọmaagha ḅara jụghọ mịẹmáa nyẹ.

Ẹ́fịsọsapụ 6:14

Anịgosi ọ tẹ́lẹ́ma fịnịị, karakárá ẹ́gẹ́rẹ́ pa ọmịna kundu kpọọ dii mịẹ, karakárá ibiamịẹnyẹ pa ọmịna kúkúbie gbẹ́ẹ̄ ẹ́fẹ́rẹ́ mịẹ,

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

1 Tẹsalonaikaapụ 2:10

Ọmịnị wámịna onyésẹapụ anị Tamuno sọ sẹ wa pịrị ḅara ḅẹ wámịna mịẹnyẹ ọmịnị mininiapụ ma tórúku, fiafiam, karakáram pịghị bịpị ḅụ láanyẹ nyanagha.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Hiburuapụ 13:18

Ọ pa tẹ́ghẹ̄ wa pịrị. Wa nimim ḅẹẹ wa fíafía tẹ́mẹ́ nyanam, wa pịghị karakárá nyẹ́ ma mịẹ dọghụm sámámgba.

Jems 4:6

Kụ́ma Tamuno nyáná wa pịrị tọ́rụ́kụrụkụ́rụ́ kụrọm anị Tọ́ndiri ma dugho ḅara ḅẹ́, <>

1 Pita 3:16

O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.