2 Jọn 1:1 - Ibani New Testament

¹ Mịị diri ma sẹnịḅọ ma ḅara saghịḅom. A gịẹ pa n sẹlẹakị ọ́rụ́ḅọ ma na árị awọ fịrịmam, a karakárá ḅara pa ḅẹlẹmaapụ. Irị ngéréghaa, kụ́ma karakárányẹ ma nimiapụ mamgba ị ḅẹ́lẹ́mam,

2 Jọn 1:1 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:3

Anịma gosi, Ị́yẹ́ Opu, Tiofilọs, a tọ́rụ́ kịsịma mịị nyẹ mamgba dáwọ́mam anị saghị sa, a sịịm ḅẹ́ anị ḅụ́gbẹm a gbụ́nụ́nụ́ ḅara pa nyẹ mamgba gịẹ pághámá ị pịrị anị fịnị ḅara.

Ibi Oku Ma Jọn Anị Gịẹ Ḅara 8:32

Anịsáa, ọ karakárá ma nimibẹm karakárá ma pịghị ọ duaḅọ́rọ́mabẹm.>>

Fịrị Ḅara 11:30

Nnị mịma mịẹm warị igbii ma pa sọsị sẹ́nịapụ ma fịrịma Sọl na Banabas ḅara.

Romapụ 16:13

Rufọs bii i pịrị, Kị́nị́nyánáḅọ ma sẹlẹakịḅọ, na pịghị o nyingi bii, pịghị nyingi sọ i pịrịmaá ọ́rụ́ḅọ,

Galesiaapụ 2:14

A árị sa ḅẹ́ nnị ibi oku ma karakárá dua gbụ́nụ́nụ́ asọ nwángịgha, a dugho Pita pịrịm nnị kị́nị́mamgba tórúku, <<Ịrị Juuḅọ kụ́ma ị duma kọarị sọ́ḅọ́rọ́ ịrị Juughaḅọ. I Juuḅọ ḅara pa duma kọghaa. Anịsa, ị tọ́rọ́ pa ine Juughaapụ ma mịẹbẹ sị n duma kọọ sọ́ḅọ́rọ́ nnị Juuapụ?>>

Galesiaapụ 2:5

Gbẹ́rẹ́ kịsị kálá sa sọ, wa n dughoarị nyẹ puugha. Wa ibi oku ma karakárá kokowarị ọ pịrịbẹ ḅara.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 5:7

Ọmịnị ibiḅara pa mangịarị! Tụọ okiki karakárá ma mịẹ ḅụ?

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

Hiburuapụ 10:26

Sii siri si bẹ́ igwaa mịnị oforibịgha, wa karakárá ma nimifama sa, wa warị pa biri inighima sị siinyẹ mịẹarị.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 5:1

Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ.

1 Pita 5:13

Babịlọn ḅụ fịnị sọsị ma, Tamuno pịghị ọmịnị na sẹlẹakịapụ, oku fịrịmam ḅẹ́ a obíí, Mak i tụwọ sọ ḅẹm a obii.

1 Jọn 2:21

A mị diri ma gịẹ ọ pịrịarị ḅẹgha ḅẹ́ ọ karakáráma nimigha; kụ́ma ọmịnị anị nimim go, ọ pịghị nimim ḅẹ́ gbẹ́rẹ́ epele karakáráma ḅụ saghị ḅobịgha.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.

2 Jọn 1:13

Ọmịna ibi mị́naḅọ ọ́rụ́ḅọ, Tamuno sẹ́lẹ́akị ḅọ ma awọ fịrịmam ḅẹ́ a obíí.

2 Jọn 1:5

Anịgo, mị́sa ibi ọ́rụ́ḅọ, a ị tẹ́ghẹ̄m wamịnị kị́nị́mamgba jụghọ jụghọ ḅẹlẹma. Mịma ḅẹgha ḅẹ́ a jẹ́ ịwọ ólóghó gịẹ pa ọ fịrịmaarị, kụ́ma parị sa éné éné wa nimi ólóghó ma.

3 Jọn 1:1

Irị Jọn sẹnịḅọ ma anịị mị diri ma gịẹ ọ fịrịmaḅọ. A gịẹ pa ị́yẹ́ ibi nangwọ Gayọs, a karakárá ḅara pa ḅẹlẹma ḅọ fịrịmam.