1 Timoti 6:21 - Ibani New Testament

²¹ Jẹ́apụ bịpịkpọman ḅẹẹ nnị mịị níminyẹ ma nyánam anị ḅụ ḅọ́rọ́ nnị minini asọ ma ḅụ irimamam. Tamuno tọ́rụ́kụrụkụ́rụ́ ọmịnịkịnị mamgba na fịnị.

1 Timoti 6:21 ပူးပေါင်းရင်းမြစ်များ

Matiu 6:13

Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 16:20

Tamuno, wámịna diin ḅara saghị ḅoḅọ, ḅọlọgha sa Satanị nánga kọsịmabẹm ọmịna ḅụọ sughu. Wámịna Nyánáḅọ Jizọs Krais tọ́rụ́kụrụkụ́rụ́ ọ nana fịnịị.

Romapụ 16:23

Gayọs, a ọ wárị ngáarị ḅo, sọsị ma sọ ọ wárịbie donaarị ḅọ fịrịmam ḅẹ́ a o bii. Ẹratọs, ama igbii koko ḅọ na pịghị wámịna mị́naḅọ owitụ́wọ Kuatọs fịrịmam ḅẹ́ a o bii. [

Kolosiapụ 4:18

Ịrị, Pọl, i ḅara na mịị sịbịpị ma gịẹ pa ọ fịrịmam. O biekóróma ḅẹẹ a ịkóli bie imii. Tọ́rụ́kụrụkụ́rụ́ ọmịnị na fịnịị.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

1 Timoti 1:6

Jẹa túminị́ asọ irimam mịná dienyẹ ma ḅụ, warị ofori ofori ẹ́gẹ́rẹ́ pa nna ḅụ sukama.

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

2 Timoti 2:18

Nnị dua muu karakárá ma láa bẹ asọ ma warisomam dughoarị ḅẹ́ fịị ḅụ sághị ma kiriakịmam. Anị ḅara ma n mịẹm sị jẹ́apụ minini saghị jighe jighe.

2 Timoti 4:22

Kị́nị́nyánáḅọ ị tẹ́mẹ́ na fịnịị. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Taitọs 3:15

I nana mịnga fịnịapụ mamgba fịrịmam ḅẹ́ a o bii, pịghị wámịna nángwọ́apụ minini ma ḅụ fịnịapụ ma bii. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Hiburuapụ 13:25

Tamuno tọ́rụ́kụrụkụ́rụ́ ọmịnị mamgba na fịnị.