1 Timoti 6:18 - Ibani New Testament

¹⁸ Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

1 Timoti 6:18 ပူးပေါင်းရင်းမြစ်များ

Matiu 5:42

Tumḅọ i ḅárábie nyẹ bi sa gonyẹ́ gonyẹ́ n ḅọ pịrịị, pịghị i ḅárabie nyẹ ḅọlọ dọghụapụ dighi tọ́rụ́sima.

Ibi Oku Ma Luk Anị Gịẹ Ḅara 12:21

<>

Ibi Oku Ma Luk Anị Gịẹ Ḅara 3:11

Ọ wárị n pagharaa ḅẹ́, <>

Fịrị Ḅara 10:38

Ọ kọkọ Jizọs, Nazarẹtị ḅụ saghị ḅoḅọ nimi, Tamuno ori Tọ́ntọ́ Tẹ́mẹ́ na kụrọ pa ọ ḅụ sua ḅara, ọ pịghị ngaamamgba muu ḅara sị ibinyẹ mịẹarị ḅara, si pịghị ẹ́kpẹ́dua kụrọ bie fịnịapụ mamgba gwọarị ḅara tegó Tamuno ọ nana imim gosi.

Fịrị Ḅara 11:29

Krais ọḅụduaapụ ma tọ́ọ pẹ́lẹ́m ḅẹ́ nna ḅụ ọ́rụ́ḅọ ọ́rụ́ḅọ n ḅo ineḅara mịẹbẹm sị nyẹ pa nna jẹa mininiapụ fịrịma Judiya ḅụ.

Fịrị Ḅara 9:36

Jọpa ḅụ gbẹ́rẹ́ ọ́rụ́ḅọ imi, Tabita anịị árị ẹ́rẹ́, árị ọ́ mininiḅọ, árị ẹrẹ Giriki ḅụ anịị Dọkas (mịma dughoarị, tụ́ḅara kịka nama). A sáá ngúmá sámámgba ḅárásua igonyinapụ pịrịarị pịghị ibinyẹ mịẹarị.

Romapụ 12:13

Ị nyánányẹ pa nyẹ́ḅụ kụ́rọ mịnaapụ ma na die, pịghị ḅụ́pọ́ findi igoniapụ pịrị.

Romapụ 12:8

ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

1 Kọrịntịapụ 16:2

Párị éné wiki gonyẹ́ gonyẹ́ ḅụ, ọ́rụ́ḅọ ọ́rụ́ḅọ gbẹ́rẹ́ igbii bịpị si warịị, n ḅọ nyáná igbii láa ḅara ḅụ, sị anị keke warị, sị a ḅo bẹ sa ọmịnị jẹ́ daaigbii daabịgha ḅara.

2 Kọrịntịapụ 8:12

Anị ḅọ́rọ́ ọ́taárịarị ḅẹẹ ọ nyẹ pịrị, Tamuno ọmịna pịrịnyẹ ma daákịbẹm, ọmịnị nyáná sị pịrị bi ḅara, ọ nyanagha nyẹ ḅụghaa.

2 Kọrịntịapụ 8:9

Ọ kọkọ wámịna Nyánáḅọ Jizọs Krais tọ́rụ́kụrụkụ́rụ́ nimi; ori ọrẹ opu láa ḅara balagha kụ́ma ọ ḅụ siminimam ọmịna sịbị go, sị ọrẹ simini ḅụ ḅọ́rọ́ ori ngọ pa ọkọọma bẹ ḅara.

Galesiaapụ 6:10

Anịgosi wa asọ nyáná sa gonyẹ́ gonyẹ́ wa ibinyẹ mịẹ kị́nị́mamgba pịrị, ẹ́rẹ́soma Krais ḅụ mininiapụ ma.

Ẹ́fịsọsapụ 4:28

Furuarịḅọ fịnịfịnị, n ḅo mịnị fúrú ma, kụ́ma amịna ḅara pa ibifịrị nwángị pa amịna ḅụ pịrị pịghị ine ḅárásua igonyiapụ pịrị.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 13:16

O bieḅárámá ma ibi mịẹsị pịghị ḅárásua jụghọ jụghọ pịrị, tegó, mị Tamuno tẹ́mẹ́ ḅẹ́lẹ́maarị igwaa.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 3:11

Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.

1 Jọn 3:17

Tuminikiri ngọ ma nyánáḅọ fịnịfịnị si nyẹ́ pálịma mị́naḅọ árị, kụ́ma mịnị dighi ḅụ́jịrịrị nyáná ọ pịrịgha, ine dughobịgha ḅẹ́ Tamuno ḅẹlẹma n ḅọ ḅụ imi.

3 Jọn 1:11

Ị́yẹ́ ibi nangwọḅọ, Gayọs siiamịẹnyẹ daa nyẹ mịẹma, kụ́ma ibinyẹ daa nyẹ mịẹ. Ibinyẹ mịẹarịḅọ gonyẹ́ gonyẹ́ Tamuno ju saghịḅom. Siinyẹ mịẹarịḅọ gonyẹ́ gonyẹ́ na Tamuno nimigha.