1 Tẹsalonaikaapụ 5:8 - Ibani New Testament

⁸ Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

1 Tẹsalonaikaapụ 5:8 ပူးပေါင်းရင်းမြစ်များ

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 6:11

Tamuno pa ọ pịrị ọ́mụ́gbinyẹ mamgba sua kárámá ọmịnị ine sẹ kụ́rọ bẹ ḅara ẹ́kpẹ́dua ori epele ma ti bẹ sáá.

Ẹ́fịsọsapụ 6:23

Diin na ḅẹlẹma na minini Tamuno Daḅọ na Wányánáḅọ Jizọs Krais ḅara ḅo nyẹ fịnị wa jẹa mininiapụ ma pịrị.

1 Tẹsalonaikaapụ 5:5

Ọmịnị kị́nị́mamgba ọmịnị baá ma owiapụ awọ na pịghị éné ma awọ; wamịnị dii bie awọgha anịgha kánákáná awọ.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

Hiburuapụ 6:19

Wa mị tọ́rụ́ dighinyẹ ma nyánam biebẹ duma lụḅa ḅara, kụ́rọ pịghị kokofịnịm. Anị wa daá ḅụ́pọ́ gbẹ́ẹ̄ bịtẹ ma ḅụ ḅọ́rọ́ sobie Tamunowarị ma sọọ, sị mú biebẹ opu tọ́ntọ́ yọ ma sọ.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.