1 Tẹsalonaikaapụ 5:6 - Ibani New Testament

⁶ Anịgo wamịnị isiapụ múnoarị ḅara pa mụ́nobịgha; wa múno ḅụ saghịbẹm sị pịghị ḅụ ọlọ.

1 Tẹsalonaikaapụ 5:6 ပူးပေါင်းရင်းမြစ်များ

Matiu 13:25

Kụ́ma kị́nị́mamgba múnoarị sáá, ori iruonaḅọ ḅom sị owi osuka dipi witi, ọrọsị kịka sịmgbọ́lụ ama ogbobie sị nwángị sọọ.

Matiu 24:42

<

Matiu 25:13

<

Matiu 25:5

Ẹ́rẹ́ yaaḅọ ma álálaḅogha gosi nnị kị́nị́mamgba singim sị kóró múno.

Matiu 26:38

Anịsáa ọ warị dugho n pịrị, <>

Ibi Oku Ma Mak Anị Gịẹ Ḅara 13:37

A dugho ọ pịrịnyẹ, anịsáa a dugho kị́nị́mamgba pịrịm, ọ tọ́rụ findi si kuruu!>>

Ibi Oku Ma Luk Anị Gịẹ Ḅara 12:37

Anị ibi anị ómóniapụ ma pịrịbẹm ḅẹẹ nna nyánáḅọ ḅo sáá ori nnị árịbẹm ḅẹẹ, nnị ḅụ karakáráma o kuruarị. A karakárányẹ dugho ọ́ pịrịarị nna nyánáḅọ ma ọḅụ dimabẹm, n mịẹsị nnị nyẹ́fị ịkasị ọ́gọ́nọ kpọrọfịnị si ọ fị́nyẹ pa n pịrị.

Ibi Oku Ma Luk Anị Gịẹ Ḅara 12:39

Kụ́ma mịma akanyaḅo: ḅọ́rọ́ warị nyánáḅọ nimi fúrúḅọ ma ḅo bẹ sáá ori asọ pụmabẹm sị minibịgha ori o warị fomká sị anị sọọ.

Ibi Oku Ma Luk Anị Gịẹ Ḅara 21:36

Ọ tọ́rụ́ findi kúru sị pịghị sáá mamgba ḅụ tẹ́ghẹ̄ ḅẹẹ ọmịnị ịnyọ nyáná sị tulu ḅọ́rọ́bẹm págháarị nyẹ mamgba ḅụ, sị pịghị Tumḅọ yii Tụwọ ma tórúku sẹ́.>>

Ibi Oku Ma Luk Anị Gịẹ Ḅara 22:46

Ọ warị n ḅẹẹ, <<Ọ tẹ́ go múnoarị? Ọ saghị tẹ́ghẹ̄ sị ọmịnị daádighi bie sọbịgha ḅara.>>

Fịrị Ḅara 20:31

Anịgo ọ tọ́rụ́ kiri láa, sị biekóróma ḅẹ́ tẹ́rẹ́ a kụ́rá gbọrụ, a dii na ḅá na, a owutọ́rụ́ pa nyẹ pa o diem.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

1 Kọrịntịapụ 16:13

Ọ tọ́rụ́ kiri láa, sẹ kụrọ minini ma ḅụ, ọ tẹ́mẹ́ kụrọapụ sọ; ọ kụrọ fịnịị.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Ẹ́fịsọsapụ 5:14

Baá ma anị mịẹsị wa ine nyẹ gonyẹ́ gonyẹ́ árịarị nyẹ. Anị n go dughonyẹ, <>

Ẹ́fịsọsapụ 6:18

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Filipaiapụ 4:5

Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị.

Kolosiapụ 4:2

Ọmịnị ọ ḅụ pa tẹ́ghẹ̄ pịrị sámámgba pịghị ḅụ́tẹ́lẹ́ma warị sị ịmịẹḅam pa Tamuno ḅẹẹ.

1 Tẹsalonaikaapụ 4:13

Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

1 Tẹsalonaikaapụ 5:10

Wa sịbị goo fịị ḅo sị wamịnị ọ nana duma bẹ ḅara, wa fịị o, wa duma o, o ḅoo bẹ sáá.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

1 Timoti 2:15

Kụ́ma ọ́rụ́ḅọ ma dụaḅọ́rọ́ma nyánábẹm awọ yii ḅụ, a ḅọ́rọ́ minini ḅụ sẹ kụ́rọ bịpị muu ḅẹlẹma ḅụ, tọ́ntọ́ ḅụ na pịghị bịpị ḅụ laagha ḅara ḅụ.

1 Timoti 2:9

A pịghị bim ḅẹ́ ẹ́rẹ́ámáapụ ḅụ́gbẹ́ ḅara pa nna bịtẹ sua; fíafía na pịghị akanyaḅo nyáná ḅara ḅụ, nna ḅụ́birima sịbị kpeebịegha, anịgha odoḅala nyẹ sua anịgha áwụ áwụ bia ọkụta anịgha opuma nyẹ́laa bịtẹ sua.

1 Timoti 3:11

Nna taapụ sọ anịị túminị́ osigha pa pịrị na ḅụ́gbẹ́ ẹ́rẹ́, nnị jẹ́apụ pa ẹ́gẹ́rẹ́bịgha; tọ́rụ́ diinapụ, túminị́ pịghị nna ḅụ biegbana nyánam nyẹ gonyẹ́ gonyẹ́ ḅụ.

1 Timoti 3:2

Tamuno kubiri ogbo sịbịdaḅọ ori fiesima nẹ́ngị na fiam; gbẹ́rẹ́ táaḅọ ngéré nyáná, ori álála bieoḅughaa, ine ḅụ ọlọ ḅo, kị́nị́ osigha nyáná pịrịḅọ, ine igoniapụ datéréma n ḅo wárị; ine nyẹ́die bẹḅọ;

2 Timoti 4:5

Kụ́ma, ịrị ịḅụ pa gbẹ́rẹ́ ngaa sẹ́ma warị asọ gonyẹ́ gonyẹ́ ḅụ, inema nyána tọ́rụ́siarị pịrị, ibi oku ma dugho wásámaarị ḅo fịrị ma nwángịị, pịghị ị́yẹ́ fịrị gonyẹ́ gonyẹ́ nwángịị Tamuno ómóniḅọ ḅara.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Taitọs 2:6

Anị gbẹ́rẹ́ ḅara ma ásáawọ ma ḅẹẹ, nnị nna ḅụ ọlọ.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

1 Pita 5:8

Tẹ́lẹ́ma, ọ tọ́rụ́ findi warị! Ọmịna iruonaḅọ Ẹ́kpẹ́dua ma, ikelekelema ḅọ́rọ́arị o kuu kaa pẹẹ́ bẹḅọ dọghụarị.

Puu Findi 16:15

<>

Puu Findi 3:2

Saghị sẹ! Ịnyọ pa kọnyẹ́ ma ḅụ sua anị fịịfamabịgha ḅara. Ḅẹẹ a arịḅom ḅẹ́ ọ nwángịmáa fịrị ma na káaragha ị Tamuno tórúku.