1 Tẹsalonaikaapụ 5:23 - Ibani New Testament

²³ Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

1 Tẹsalonaikaapụ 5:23 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:46

Meri warị ḅẹ́: <

Ibi Oku Ma Jọn Anị Gịẹ Ḅara 17:19

Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Fịrị Ḅara 20:32

<

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 15:33

A tẹ́ghẹ̄m ḅẹ Tamuno, diin pa wa pịrịarịḅọ ọmịnị kị́nị́mamgba na fịnịị. Anị ọkọ fịnị.

Romapụ 15:5

A Tamuno ma tẹ́ghẹ́arị ingịrịma na tẹ́mẹ́kụrọ ḅára saghị ḅoarịḅọ mịẹsị ọ gbẹ́rẹ́ bịpịfie ọ Krais Jizọs ma duarị ḅara,

Romapụ 16:20

Tamuno, wámịna diin ḅara saghị ḅoḅọ, ḅọlọgha sa Satanị nánga kọsịmabẹm ọmịna ḅụọ sughu. Wámịna Nyánáḅọ Jizọs Krais tọ́rụ́kụrụkụ́rụ́ ọ nana fịnịị.

1 Kọrịntịapụ 1:2

wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 14:33

Tamuno ori galagalaḅọgha kụ́ma diin Tamuno. Anị fịnị ḅara Tamuno túminị́ sọsị mamgba ḅụ.

2 Kọrịntịapụ 5:19

Wámịna oku dughoarị ḅẹẹ Tamuno Krais ḅụ ḅọ́rọ́ tuminikiri gbọrụ pa ọrẹ nángwọ́apụ mịẹarị Tamuno nna sii kịẹ kubirigha, kụ́ma ori oku ma pa wa pịrịmam, dugho pághámaarị nyẹ ọ ḅara warị nangwọapụ pa nnị mịẹarị ḅara.

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 4:9

Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

1 Tẹsalonaikaapụ 3:11

Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo!

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

1 Tẹsalonaikaapụ 5:22

Arịị ḅẹẹ i siiamịẹnyẹ na mịẹnyẹ nyánágha.

2 Tẹsalonaikaapụ 3:16

Wámịna Nyánáḅọ ori ọ ḅụgbọrụ ọ ḅarabie diin saghị ḅoḅọ diin pa ọ pịrị sámámgba ḅụ asọ kirikiri ḅụ. Kị́nị́nyánáḅọ ọmịnị kị́nị́mamgba na fịnịị.

Hiburuapụ 13:20

Mị́sa diin nyáná Tamuno ma gbámásó ọmbịnyẹ́ ma ọḅọọ ḅụ ḅọ́rọ́, wámịna Nyánáḅọ Jizọs saghịma ḅo fịị ḅụ, opu ánánákúrúḅọ ma,

Hiburuapụ 2:11

Ori túminị́ mịẹarịḅọ sị n fíafía, na pịghị ọ miẹmaapụ sị n fíafía nnị kị́nị́mamgba gbẹ́rẹ́ Daḅọ nyáná bẹ ḅara. Anịgosi Jizọs ḅụ́gịrịrịgha nnị sị yọ ḅẹ́ nnị ori a minaowiapụ.

Hiburuapụ 4:12

Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

Jems 1:4

Ọmịnị árị ḅẹ́ ọmịna ngịrịma ọ dighi mú kunema lam, si, nyẹ gonyẹ́ gonyẹ́ ḅụ ọ́ káarábẹḅara, ibima sẹ, pịghị gbẹ́rẹ́nyẹ sọ bibịẹgha ḅara.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,