1 Tẹsalonaikaapụ 5:13 - Ibani New Testament

¹³ Ọ dụḅaḅá kuu pa n pịrị, ọ pịghị n ḅẹlẹma n nwángịarị fịrị ma gosi, ọ pịghị diin ḅụ jụghọ jụghọ na ngaa.

1 Tẹsalonaikaapụ 5:13 ပူးပေါင်းရင်းမြစ်များ

Matiu 10:40

<<Ọ dakóróma ḅo gonyẹ́ gonyẹ́ i dakórómam, pịghị i dakóróma ḅo fịnịfịnị Tamuno ma dakórómam.

Ibi Oku Ma Mak Anị Gịẹ Ḅara 9:50

<>

Ibi Oku Ma Jọn Anị Gịẹ Ḅara 15:17

Mịị ị́yẹ́ ologho: ọ jụghọ jụghọ ḅẹlẹma.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 6:6

Tọ́n ẹ́gẹ́rẹ́ ma daákịmáapụ, n nyáná ibinyẹ mamgba pa ḅárásua nna nyẹ́dieapụ pịrị.

Ẹ́fịsọsapụ 4:3

Arịị ḅẹ́ Tẹ́mẹ́ ma pịrịarị ḅụ pa gbẹ́rẹ́nyẹ mịẹma ọmịnị anị kokowarịm ọmịnị ọlọ gboloma ma diin ḅụ.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

2 Tẹsalonaikaapụ 3:16

Wámịna Nyánáḅọ ori ọ ḅụgbọrụ ọ ḅarabie diin saghị ḅoḅọ diin pa ọ pịrị sámámgba ḅụ asọ kirikiri ḅụ. Kị́nị́nyánáḅọ ọmịnị kị́nị́mamgba na fịnịị.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Jems 3:18

Diin miẹmiẹapụ sị diin dipi pịghị karakárá ibiamịẹnyẹ sughu sughum túminị́ ma ogbobie.