1 Tẹsalonaikaapụ 5:10 - Ibani New Testament

¹⁰ Wa sịbị goo fịị ḅo sị wamịnị ọ nana duma bẹ ḅara, wa fịị o, wa duma o, o ḅoo bẹ sáá.

1 Tẹsalonaikaapụ 5:10 ပူးပေါင်းရင်းမြစ်များ

Matiu 20:28

Anị gbẹ́rẹ́ ḅara ma Tumḅọ yii Tụ́wọ ma ḅogha ḅẹ nnị fịrịnwangị ọ pịrị, kụ́ma ori fịrịnwangị kị́nị́ pịrị sị ori duma pa tọghaapụ sịbị sáá gbẹm.>>

Ibi Oku Ma Jọn Anị Gịẹ Ḅara 10:11

<

Ibi Oku Ma Jọn Anị Gịẹ Ḅara 10:15

Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm.

Ibi Oku Ma Jọn Anị Gịẹ Ḅara 10:17

I Daa ma go i ḅẹlẹma nyẹ anịị a ị́yẹ́ duma saghị kórómam sị a pịghị ine anị saghị akị bẹ ḅara.

Ibi Oku Ma Jọn Anị Gịẹ Ḅara 15:13

Mịma nẹ́ngịma ḅẹlẹma nyánáḅọ ofori, ḅẹẹ ori ọrẹ duma kóróma ori nángwọ́apụ pịrịm.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

1 Kọrịntịapụ 15:3

A dáaḅonyẹ a ḅọ́rọ́ma ọ pịrịmam parị nyẹ́la ḅa nyẹ ḅara, ḅẹ́ Tọ́ndiri ma dugho ḅara ḅẹẹ, Krais wa sịbị go fịm,

2 Kọrịntịapụ 5:15

Ọ fịị kị́nị́mamgba pịrịm, sị dumaapụ mịnị duma nna ḅụ pịrịbịgha, kụ́ma n duma ọ pịrịbẹm, fịị sị pịghị fịị ḅụ saghị ḅo nna sịbị go.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

1 Tẹsalonaikaapụ 4:13

Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

1 Tẹsalonaikaapụ 4:15

Mị́sa wa pa o diearịnyẹ ma anịị Kị́nị́nyánáḅọ ma dienyẹ: wamịnị dumafịnị mú Kị́nị́nyánáḅọ ḅoo bẹ ene laapụ ma fịịmaapụ ma ḅụ tórúku sọbịgha.

1 Tẹsalonaikaapụ 4:17

Wamịnị dumafịnịapụ ma, anịsáa ma ḅụ n wamịnị na n nana kobirịbẹm so tọ́rụ́, sị wa mú Kị́nị́nyánáḅọ ma na dona fọ́rụ ma bie. Anịị wa Kị́nị́nyánáḅọ ma na fịnị bẹ ḅara mú gbámásó láa.

1 Tẹsalonaikaapụ 5:6

Anịgo wamịnị isiapụ múnoarị ḅara pa mụ́nobịgha; wa múno ḅụ saghịbẹm sị pịghị ḅụ ọlọ.

1 Timoti 2:6

ọ ḅụ pa pịrịḅọ túminị́ mamgba dụaḅọ́rọ́ma goo. Mịma anị Tamuno pa tuminikiri gbọrụ fịrịma oku ma anị karakárá sáá ma ḅụ.

2 Timoti 2:11

Mịị anị tẹ́mẹ́ gbánā na ibi dughonyẹ: <

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,