1 Tẹsalonaikaapụ 4:5 - Ibani New Testament

⁵ Yáakuu ḅụ ofori nwángị ḅụghaa, Juughaapụ ḅara Tamuno nímighaapụ.

1 Tẹsalonaikaapụ 4:5 ပူးပေါင်းရင်းမြစ်များ

Matiu 6:32

Ḅẹẹ Tamuno nímighaapụ ma mangị ikelekele mịnanyẹ mamgba pịrịm, ọmịna sobie Daḅọ nimitẹ́lẹ́mam ḅẹ́ ọ mị́na nyẹ mamgba bim.

Ibi Oku Ma Luk Anị Gịẹ Ḅara 12:30

Mịma anịị Tamuno nímighaapụ ḅụ ḅá pịrịarị. Kụ́ma ọmịna Daa nimim ḅẹẹ ọmịna nyẹ ma biim.

Fịrị Ḅara 17:23

Ḅẹẹ, a ámá ma bie nwángị ḅọ́rọ́ sáá sị ọmịna tẹ́ghẹ̄ angaá dighi, a gbẹ́rẹ́ ẹ́bẹ ọ́gọ́nọ arịm, nnị mịnyẹ ma gịẹnyẹ: wa nimigha tamuno ma. O nimigha pa susi pịrịarịḅọ, o gbolomanyẹ anịị mị́sa a dugho wásáma ọ pịrịarịnyẹ.

Romapụ 1:24

Anịgosi Tamuno warị nna ḅụ ḅárási, sị nnị nna tẹ́mẹ́bie biiarị ịlọ́lị nyẹ ma mịẹ, sị nnị jụghọ jụghọ na oju ma dighi terema yáakuu ḅụ ofori nwángị kọọ.

Romapụ 1:26

Túminị́ mịma mịẹm gosi Tamuno nna ḅụ ḅárásim sị nnị nna oju ma tarịarị ḅụ́gịrịrịmanyẹ pịrịm. Ẹ́rẹ́ámáapụ ma sọ nna jẹa ẹ́rẹ́ámáapụ na múnoarị.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

Galesiaapụ 4:8

Ḅọ́rọ́maa sáá, ọ Tamuno nimigha, anị sáá ọmịnị omoni sọ kịrịkị́rị́ tamuno pa siinyẹ pịrịm, kụ́ma nnị karakárá tamunoghaa.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

2 Tẹsalonaikaapụ 1:8

Ọ kọrịfịnị ḅẹ́lẹ̄ pa ḅobẹm sị fom ḅárá pa Tamuno sịghịịapụ ma fom na pịghị Krais Jizọs gboloma ibi oku ma osighaapụ.

1 Pita 4:3

Ọ tọgha sa ngumamam ḅọ́rọ́maa sa, ọ Tamuno nímighaapụ ma dua n mịẹarịnyẹ mịẹ sa, ọmịnị ọmịna duma famam, ḅụ ọlọgha ámánwángị, kuraghaa nyẹ pụghọ tarị, iru ḅụ tọ́rụ́ḅáma, fị na ḅụ bieḅẹlẹ, iru ḅụ ti kóróma, pịghị oḅori pa kị́nị́ sị, opuma ḅụ pa n kara tamuno tẹ́ghẹ̄ pịrị.