1 Tẹsalonaikaapụ 4:13 - Ibani New Testament

¹³ Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

1 Tẹsalonaikaapụ 4:13 ပူးပေါင်းရင်းမြစ်များ

Matiu 27:52

Dupu puu findim tọ́ntọ́ sị fịịmaapụ sághịm sị duma bie sọ.

Ibi Oku Ma Jọn Anị Gịẹ Ḅara 11:24

Mata pagharam, <>

Fịrị Ḅara 13:36

<

Fịrị Ḅara 7:60

Ọ warị ẹkpẹrẹkị sị pụghọ saghị owu ḅẹẹ, <> Ọ mịma dughofamam sị fịị.

Fịrị Ḅara 8:2

Tamuno nimi Juuapụ warị Sitivin dighiákị mú dipi si silé owu pụghọ pa opuma dụadu ọ pịrị.

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

1 Kọrịntịapụ 10:1

I jẹa miniapụ, a dọ́ghụm ọ pa biekóróma, wámịna tádọ́apụ Mosis duaapụ ma ḅụ pághányẹ. Oḅuto ma nnị kị́nị́mamgba gbẹm n warị gbẹ́rẹ́nyẹ sọ n laagha ḅara ḅụ Ányị́nyá tọ́rụ́ ma sáḅá.

1 Kọrịntịapụ 12:1

Mị́sa Tẹ́mẹ́ dienyẹ ma gbólómanyẹ i jẹa mininiapụ a bighaa ḅẹ́ ọ nimigha ḅụ fịnị.

1 Kọrịntịapụ 15:6

Anịma ḅọ́rọ́ sáá, ori ọḅụ pa i jẹa mininiapụ ndẹ́ẹ sọ́nọ́ a si findi nẹ́ngịapụ diem gbẹ́rẹ́ sáá, nna ḅụ tọghaapụ pa dumafịnịm, karakárányẹ ḅẹ́ nna ḅụ jẹ́apụ sọ fịịmam.

2 Kọrịntịapụ 1:8

I Daa awọ, wa dọ́ghụm o nimi wa la ḅụḅáláḅálá Esiya ḅẹrẹtọ yọ. N dighi wamịnị ọgọnọ kóróma ikúnyẹ ma, opuma dụḅam pịghị opuma ikum ḅẹẹ wa sịgha ḅẹ́ wa dumabẹm.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

1 Tẹsalonaikaapụ 4:14

Wa mininim ḅẹ́ Jizọs Krais fịịm pịghị fịị ḅụ saghị anịgo wa mininim ḅẹ́ Tamuno n nụ́nụ́ ọ ḅụ pịrịbẹm nnị na Jizọs na, anịị Krais ḅụ minini sị fịịmaapụ.

1 Tẹsalonaikaapụ 4:15

Mị́sa wa pa o diearịnyẹ ma anịị Kị́nị́nyánáḅọ ma dienyẹ: wamịnị dumafịnị mú Kị́nị́nyánáḅọ ḅoo bẹ ene laapụ ma fịịmaapụ ma ḅụ tórúku sọbịgha.

1 Tẹsalonaikaapụ 5:10

Wa sịbị goo fịị ḅo sị wamịnị ọ nana duma bẹ ḅara, wa fịị o, wa duma o, o ḅoo bẹ sáá.

1 Tẹsalonaikaapụ 5:6

Anịgo wamịnị isiapụ múnoarị ḅara pa mụ́nobịgha; wa múno ḅụ saghịbẹm sị pịghị ḅụ ọlọ.

2 Pita 3:4

Warị pịghị gbíla, Jizọs kọkọ minini ḅẹ́ ọ ḅobẹm, ọ mininigha? Ọ tẹ́ angaá imi, wámịna tádọ́apụ fịị famamam, nyẹ gonyẹ́ gonyẹ́ pa anị fịnị ḅára fịnịm saghị n tuminikiri tẹ́mẹ́ sa éné éné.

2 Pita 3:8

Kụ́ma ị́yẹ́, ibi nangwọapụ, ọ mịị gbẹ́rẹ́nyẹ pa bieḅárámá ma: ḅẹ Tamuno tórúku gbẹ́rẹ́ éné sọ́ḅọ́rọ́ kụ́rá mmẹẹ́ andẹẹ́ oyia si findi, kụ́rá a mmẹẹ́ ndẹ́ẹ oyia si findi sọ́ḅọ́rọ́ gbẹ́rẹ́ éné.