1 Tẹsalonaikaapụ 4:1 - Ibani New Testament

¹ Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 4:1 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Fịrị Ḅara 20:27

Tegó a pa ọ ḅọghuma nyẹ ofori Tamuno dọghụnyẹ mangba sị o nimii.

Romapụ 8:8

Nna ojumẹnị dughonyẹ mịẹarịapụ ine Tamuno kúkúbie mịẹḅẹ́lẹ́mabịgha.

1 Kọrịntịapụ 11:23

A Kị́nị́nyánáḅọ ḅara daaḅom, a pịghị ḅọ́rọ́ma ọ pịrịarị dienyẹ ma, ḅẹẹ Kị́nị́nyánáḅọ Jizọs nnị ọ dẹrịfị éné dii ma ḅụ, ọ fịturu mpara akịm.

1 Kọrịntịapụ 15:1

Mị́sa i jẹa mininiapụ, a pá o biekóróma, a dugho wásáma ọ́ pịrị ibi oku, ọ daákịnyẹ, anị ḅụ anịị ọmịna minini pịghị sẹ nyẹ.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

2 Kọrịntịapụ 5:9

Nyẹ́ mamgba nẹ́ngị nyẹ, wa bim ḅẹ́, wa ọ tẹ́mẹ́ miẹḅẹ́lẹ́ma mịnga oju ma bie anịgha fịị sị so oju ma bie.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 6:1

Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:20

Mịma anị Krais ḅụ ọ dawọḅo nyẹ́ghaa.

Ẹ́fịsọsapụ 5:17

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 2:6

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

1 Tẹsalonaikaapụ 4:2

Tegó, ọ kọkọ nimi wa dugho ọ pịrịnyẹ ḅẹ ọ mịẹ, mịná againma ma Jizọs Krais ḅara anịị anị sághị ḅo nyẹ.

1 Tẹsalonaikaapụ 5:12

Wamịnị ọ tẹ́ghẹ̄m, wámịna Daa awọ, ḅẹẹ ọmịnị ibima ọmịna ogboku bie fịrịnwangịarịapụ ma osii, ọ datụ́ghụ́ma pịghị againma pa ọ pịrịarịapụ Krais asọ ma ḅụ.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Tẹsalonaikaapụ 2:1

Wámịna Nyáná ḅo Jizọs Krais ḅoo ma gbolomanyẹ, wa pịghị kobiri gboloma sị ori na fịnị bẹ ḅara: a ọ tẹ́ghẹ̄m, i Daa awọ,

2 Tẹsalonaikaapụ 3:1

Kunemaá, I Daa awọ, ọ tẹ́ghẹ̄ wa pịrị, ḅẹẹ Kị́nị́nyánáḅọ oku ma álála kaá wásámabẹm, sị nnị pịghị kuu ḅụ ẹ́gẹ́rẹ́ ma daakị ọmịnị sọ anị daakị ḅara.

2 Tẹsalonaikaapụ 3:13

Kụ́ma ọmịnị i Daa awọ, ịnyọ ọ ḅụ fama ibifịrị nwángị ḅụ.

1 Timoti 5:21

Wámịna Tamuno tórúku na pịghị Krais Jizọs tórúku na pịghị tọ́ntọ́ sookumuapụ ma tórúku. A dugho kụrọma ọ pịrịm ḅẹ́ ọ mị ẹ́gẹ́rẹ́ ma pa nyẹ si, ḅẹ́ ma ḅẹ́ mingaḅọ ibim, mingaḅọ ibighaa, ị mịẹarịnyẹ gonyẹ́ gonyẹ́ ḅụ.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 13:16

O bieḅárámá ma ibi mịẹsị pịghị ḅárásua jụghọ jụghọ pịrị, tegó, mị Tamuno tẹ́mẹ́ ḅẹ́lẹ́maarị igwaa.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

1 Jọn 3:22

Wa nyanaḅoarị, wamịnị ọ ḅara binyẹ gonyẹ́ gonyẹ́, tegó wamịnị ori ologho kokom pịghị ọḅụ ḅẹ́lẹ́nyẹ mịẹarị.