1 Tẹsalonaikaapụ 3:8 - Ibani New Testament

⁸ Tegó ḅẹ́ mị́sa ma ḅụ wa tụmasi dumam, ọ ḅọ́rọ́ sẹ kụrọ ị́yẹ́ Kị́nị́nyánáḅọ na gbẹ́rẹ́nyẹ mịẹ duma ma ḅụ.

1 Tẹsalonaikaapụ 3:8 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:4

Ọmịnị iḅụbie fịnị, ịrị ma sọ ọmịna ḅụbie fịnị. Anị ḅụ ngéré mgbọ́lụ sua bẹ sị ḅara ofori; anị grepụ árị́dii ma ḅụ fịnịgha fịnịgha. Anị gbẹ́rẹ́ ḅara ma ọmịnị ine sịịmgbọlụ suabịgha ọ ḅọ́rọ́ iḅụbie fịnịgha.

Ibi Oku Ma Jọn Anị Gịẹ Ḅara 15:7

Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

Ibi Oku Ma Jọn Anị Gịẹ Ḅara 8:31

Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

1 Kọrịntịapụ 16:13

Ọ tọ́rụ́ kiri láa, sẹ kụrọ minini ma ḅụ, ọ tẹ́mẹ́ kụrọapụ sọ; ọ kụrọ fịnịị.

Galesiaapụ 5:1

Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Filipaiapụ 1:21

Ḅẹ́ mị́sa ịrị a duma duma, a duma Krais pịrịm a fị́ị́ fịị, anị sọnyẹ mịẹm.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

1 Tẹsalonaikaapụ 3:7

Wámịna Daa awọ, wámịna ḅụḅáláḅálá na wámịna tọ́rụ́siarị mamgba ḅụ, ọmịnị wámịna tẹ́mẹ́kụ́rọmamam, ọmịna minini anịị pịghị tẹ́mẹ́kụ́rọ ma pa wa pịrịnyẹ.

Hiburuapụ 10:23

Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 3:17

Kụ́ma ọmịnị ị́yẹ́ ibi nángwọ́apụ ọ tarị mịma nimimáa sáá, ọmịnị ọ tọ́rụ́ findi si ólóghó kokoghaapụ ma ọ daa irimagha, si o sóórókoro ọ sẹ ibi ngaa ḅụ.

Puu Findi 3:11

<

Puu Findi 3:3

Anịsáa, biekóróma, n pa ọ dienyẹ na ọ pịghị náanyẹ, anị osii, sị pịghịị ọmịna sii ḅụ. Kụ́ma ọ múno ḅụ saghị sẹgha sẹgha a ḅo ọ ḅụ korobẹm fúrúḅọ ḅara ma, ọ pịghị ine nimibịghaa a ḅoo bẹ sáá ma.