1 Tẹsalonaikaapụ 3:6 - Ibani New Testament

⁶ Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị.

1 Tẹsalonaikaapụ 3:6 ပူးပေါင်းရင်းမြစ်များ

Fịrị Ḅara 16:1

Pọl nyẹ́mu mú Dẹẹbụ lam sị anị ngá ḅọ́rọ́ mú Listira láa, gbẹ́rẹ́ Krais ọḅụduaḅọ Timoti ngá angaá, o nyingi, árị sọ mininiḅọ pịghị Juu ḅo, kụ́ma ọ daa Girikiḅọ.

Fịrị Ḅara 18:1

Mịma ḅọ́rọ́ sáá, Pọl Atensi warịsom sị Kọrịntị muu.

Fịrị Ḅara 18:5

Sailas na Timoti ḅo Masidoniya láa sáá, Pọl ori sáá fámam, Tamuno ẹ́gẹ́rẹ́ ma dugho wásámaarị, pịghị dugho págháma Juuapụ ma pịrịarị ḅẹẹ, Jizọs ori anịị n Pulo pa Sịbị Saraḅọ ma.

1 Kọrịntịapụ 11:2

A o túminim tegó sáá mamgba ọmịnị i pa biekórómáarị, ọ pịghị a sághị ọ pịrị dienyẹ ma duaarị.

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

Kolosiapụ 4:18

Ịrị, Pọl, i ḅara na mịị sịbịpị ma gịẹ pa ọ fịrịmam. O biekóróma ḅẹẹ a ịkóli bie imii. Tọ́rụ́kụrụkụ́rụ́ ọmịnị na fịnịị.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 2:17

Kụ́ma wamịnị, wámịna Daa awọ ma, n wa fóofóo ma sa ọ fịnị angaá kálá sáátụọ ḅụ, wámịna kóróma ḅugha kụ́ma ojumẹnị ḅụ ngéré wamịnị ịnyọsua ḅara ḅẹ́ wa sima ọmịnị arịị!

1 Tẹsalonaikaapụ 2:9

Wámịna Daa awọ, ọ kọkọ biekóróma wa nwángị kụ́rọ́fịrị, dii na ḅa na wa wámịna ḅara pa fịrịnwangịm sị wa ḅụḅáláḅálá dighi gbẹ́rẹ́ḅọ sọ pịrịbịgha ḅara, wa Tamuno ḅara saghị ḅo oku ma dugho wásáma ọ pịrị ḅara.

1 Tẹsalonaikaapụ 3:7

Wámịna Daa awọ, wámịna ḅụḅáláḅálá na wámịna tọ́rụ́siarị mamgba ḅụ, ọmịnị wámịna tẹ́mẹ́kụ́rọmamam, ọmịna minini anịị pịghị tẹ́mẹ́kụ́rọ ma pa wa pịrịnyẹ.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

2 Timoti 1:3

A ịmịẹḅam pa Tamuno ḅẹ́m a fíafía tẹ́mẹ́bie pa fịrịnwangị pịrịarịḅọ ị́yẹ́ tádọ́apụ ọ tẹ́ghẹ̄ ḅara. A ịmịẹḅam pa Tamuno ḅẹ́m dii na ḅá na ḅụ a ọ pa biekórómáarị ḅara ị́yẹ́ tẹ́ghẹ̄ ḅụ.

Fịlẹmọn 1:5

a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.

1 Jọn 3:23

Mịị anịị ọ tọ́ọ wa pịrị ólóghó, ḅẹ́ wamịnị ọ tụwọ Jizọs Krais minini, sị jụghọ jụghọ ḅẹlẹma, Krais tọ́ọ wa pịrị ḅara ma.