1 Tẹsalonaikaapụ 3:5 - Ibani New Testament

⁵ Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Tẹsalonaikaapụ 3:5 ပူးပေါင်းရင်းမြစ်များ

Matiu 4:3

Ẹ́kpẹ́dua ma warị ọ damaḅo sị ḅẹẹ, <<Ịrị ḅọ́rọ́ Tamuno Tụwọ, dugho mịná dapịrị ma pịrị ḅẹ́ n pịghị fịtúrú sọọ.>>

Fịrị Ḅara 15:36

Sáá ḅo ḅọ́rọ́ sáá, Pọl warị Banabas ḅẹẹ, <<Ḅo wa mú sima mininiapụ ma dighi ama gonyẹ́ gonyẹ́ ḅụ, wa Kị́nị́nyánáḅọ ẹ́gẹ́rẹ ma dugho wásáma pịrịmáapụ, sị nimiḅo nnị nwángikọarị ḅara.>>

1 Kọrịntịapụ 7:5

Ḅuru ḅara ma, o ḅuru pa jụghọ jụghọ ḅáma ma, ḅọ́rọ́ ọmịnị mmẹapụ mininigha ḅẹẹ mịẹ kálá sáátụọ ḅụ ọ fofoobẹm sị ọmịnị sáá ngúmá sị ine tẹ́ghẹ̄ anịsáa ma ḅọ́rọ́maẹrẹ ọ sághị deeḅọ na táaḅọ fịrịnwangị. Mị ḅara ma Satanị ọ dadighibịgha ḅara ọmịnị ine ḅụ ọlọgha gosi.

2 Kọrịntịapụ 2:11

Satanị kụ́rọḅa ḅara nyánábịgha ḅara wámịna ḅụ tegó? Wamịnị ọrẹ aka na ọrẹ egberi nimim.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 4:11

Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Filipaiapụ 2:19

Anị ḅọ́rọ́ Tamuno ḅụ ḅẹ́leḅẹ́lẹ a tọ́rụ́dighiarị ḅẹ́ a Timoti fịrịma ḅo ọ pịrịbẹm ḅọlọghaa sáá ḅụ si a ọ gbolomanyẹ náa anị i tẹ́mẹ́ miẹḅẹ́lẹ́mabẹm.

1 Tẹsalonaikaapụ 2:1

Ọmịnị wámịna Daá awọ nimim ḅẹ́ wámịna ọ damaḅo ma papanyẹ sọgha.

1 Tẹsalonaikaapụ 3:6

Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị.