1 Tẹsalonaikaapụ 3:2 - Ibani New Testament

² Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

1 Tẹsalonaikaapụ 3:2 ပူးပေါင်းရင်းမြစ်များ

Fịrị Ḅara 16:1

Pọl nyẹ́mu mú Dẹẹbụ lam sị anị ngá ḅọ́rọ́ mú Listira láa, gbẹ́rẹ́ Krais ọḅụduaḅọ Timoti ngá angaá, o nyingi, árị sọ mininiḅọ pịghị Juu ḅo, kụ́ma ọ daa Girikiḅọ.

Fịrị Ḅara 16:5

Mịị ḅara ma sọsị ma minini ḅụ ḅo sẹ kụrọm pịghị saghị sẹ́nị kịẹbịpị ḅụ éné gonyẹ́ gonyẹ́ ḅụ.

Fịrị Ḅara 18:5

Sailas na Timoti ḅo Masidoniya láa sáá, Pọl ori sáá fámam, Tamuno ẹ́gẹ́rẹ́ ma dugho wásámaarị, pịghị dugho págháma Juuapụ ma pịrịarị ḅẹẹ, Jizọs ori anịị n Pulo pa Sịbị Saraḅọ ma.

Romapụ 16:21

Timoti ị jẹa fịrịnaḅọ fịrịmam ḅẹ́ a o bii, Lusiyọs, Jasọn na Sosipata i jẹa Juuapụ sọ fịrịmam ḅẹ́ a o bii.

1 Kọrịntịapụ 3:10

Tamuno pa i pịrị dienyẹ ma ḅụ ḅọ́rọ́ a opuma nyẹ́nimi wárịnámáḅọ fịrị nwángịm. A kiri sughum sị sughu isé sị jụghọ anị ọgọnọ námáarị. Kụ́ma ọ́rụ́ḅọ ọ́rụ́ḅọ amịna ḅụ ẹbị n ḅọ námáarị ḅara.

1 Kọrịntịapụ 4:17

Anịma gosi a Timoti pa ọ fịrịmaarị a ibima ḅẹlẹma tụwọ, ibima kụrọ sẹ ḅo Krais asọ ma ḅụ, ọ pa o biekórómabẹm ị́yẹ́ dumafịnị ḅara Krais Jizọs ḅụ mịma anịị a pịghị diearịnyẹ sọsị gbọrụ pịghị ngámámgba ḅụ.

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

2 Kọrịntịapụ 1:19

Ḅẹ́ Jizọs Krais Tamuno Tụwọ, Sailas na Timoti na ịrị ma dugho wásáma ọ pịrịḅọ ma, ori <> na <> kụ́ma ọ ḅụ Tamuno <> ngéré ḅẹm.

2 Kọrịntịapụ 2:12

A ḅo Troas la sa ḅẹ́ a Krais gboloma ibi ẹ́gẹ́rẹ́ ma dugho wásámáa, a arịḅom ḅẹẹ Kị́nị́nyánáḅọ asọ findi i pịrịmam ḅẹẹ a fịrị nwángịị anị ngaa.

2 Kọrịntịapụ 2:13

Kụ́ma Ikúkúbie opuma ḅụḅáláḅálá pa i pịrịm, a ine ị́yẹ́ mị́naḅọ owitụ́wọ Taitọs arịgha go. A warị anị ngaa fịnị túminị́ ma ḅẹ́ ọmịnị ibima fịnịị, a warị anị angaá ḅọ́rọ́ Masidoniya muu.

2 Kọrịntịapụ 8:23

Ori Taitọs ori ị́yẹ́ árụ́ḅọ, ori i nana nwángịarị wa ḅárásua ọ́ pịrịbẹ ḅara, isi mịná owiapụ ma ọ nana muarịapụ ma nnị sẹ sọsị gbọrụ ma pịrịm n pịghị boma akuoo Krais pịrịarị.

Filipaiapụ 1:25

Mịma a ibima anị nimim anịgo a nimim ḅẹ a fịnịbẹm, a pa ọmịnị kị́nị́mamgba na fịnịbẹm si ọ tórúku mú bẹ ḅara pịghị bieḅẹlẹ minini ma ḅụ.

Kolosiapụ 1:1

Irị Pọl, Krais Jizọs fịrịmaḅọ, Tamuno ma tọ́ọ ḅárá ḅụ, anịị mịị diri ma gịẹ ọ fịrịmaarịḅọ. Timoti wámịna numboru owitụ́wọ na ịrị na mịị diri ma pa ọ fịrịmam.

Kolosiapụ 1:7

Ọ Tamuno tọ́rụ́kụrụkụ́rụ́ ma gbolomanyẹ dáwọ ḅom Epafras ḅara, wámịna ibifịrị nwángị ḅụ gbẹ́rẹ́ḅọ, Krais ḅụ sẹ́kụrọ fịrịnwangịḅọ wámịna sịbị gosi.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

Kolosiapụ 4:9

Ori Onisimọs na ḅoarị, wa ḅẹlẹma numboru owitụ́wọ pịghị sẹ́kụrọ ḅo, ori ma pịghị ọmịna ḅụ́gbẹrẹḅọ. Nnị mịnga págháarị nyẹ mamgba dugho ọ pịrịbẹm.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.