1 Tẹsalonaikaapụ 2:4 - Ibani New Testament

⁴ Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

1 Tẹsalonaikaapụ 2:4 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 12:42

Kị́nị́nyánáḅọ ma pagharam ḅẹẹ, <

Ibi Oku Ma Luk Anị Gịẹ Ḅara 16:11

Ḅọ́rọ́ tuminikiri ngọ ma ọrụtọ ḅụ nnị ịḅụ biegbáná nyanagha, tụwọ karakárá ngọ ma ọrụtọ pa ị ḅárábie sua bẹ?

Ibi Oku Ma Jọn Anị Gịẹ Ḅara 21:17

Jizọs tẹ́rẹ́ kárámá sáá pa ọ ḅẹm, Saimọn Jọn tụwọ, ị́ i ḅẹlẹma? Mịma Pita ḅụfịịm tegó ori tẹ́rẹ́ kárámá sáá pa ọ gbilam ḅẹẹ, <<Ị́ i ḅẹlẹma?>> Ọ pagharam, <> Jizọs ọ ḅẹm, <

Romapụ 8:27

Tamuno ma wámịna tẹ́mẹ́bie arịarịḅọ, nimim Tẹ́mẹ́ ma kóróma; tegó Tẹ́mẹ́ ma oria túminị́ sịbị go Tamuno ma tẹ́ghẹ̄arị, ori Tamuno ma tọ́warị ḅara ḅụ.

1 Kọrịntịapụ 7:25

Mị́sa o gịẹnyẹ ma owiḅọ nimigha anịgha ọ́rụ́ḅọ nimigha gbolomanyẹ. A Kị́nị́nyánáḅọ ḅara saghị ḅo ólóghó nyanagha, Kụ́ma a i tẹ́mẹ́ dughom Kị́nị́nyánáḅọ lolomakúkúbie ḅụ ḅọ́rọ́ túminị́ ine ḅụ tẹ́mẹ́ gbánā bẹḅọ ḅara.

1 Kọrịntịapụ 9:17

A ḅọ́rọ́ i tẹ́mẹ́bie fịrị ma nwángị kị́nị́ i sumagha pa a gbẹ́ẹ̄ nyẹ nyánábẹm; kụ́ma a fịrị ḅara pa anị nwángịm tegó Tamuno mị fịrị ma saghị i pịrịmam ḅẹ́ a anị nwángịị.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 5:11

Wa nimim Kị́nị́nyánáḅọ dighi ḅáláfa dughoarịnyẹ, anịgo, wa ḅụ́kọ́rọ́ma túminị́ tẹ́ghẹ̄m. Tamuno káara ḅara pa wa nimim, ọmịnị sọ pịghị wa nimim.

2 Kọrịntịapụ 5:16

Wa mịnị kị́nị́ sịbị ḅẹ́rẹ́kọgha tuminikiri ólóghó ḅara ḅụ karakárányẹ bẹ gbẹ́rẹ́sa biri wa tuminikiriapụ ólóghó pa Krais sịbị ḅẹ́rẹ́kọm, wamịnị jẹ́ pa ọkọ mịẹbịgha.

Galesiaapụ 1:10

Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.

Galesiaapụ 2:7

Anịmanakaragha, nnị arịḅom ḅẹ́, ibi oku ma dugho wásáma Juughaapụ ma pịrị fịrị ma nníị sághị i ḅárabie suamam, nnị ibi oku ma dugho wásáma Juuapụ pịrị fịrị ma sághị Pita pịrị ḅara.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 6:6

Ọ mịma mịẹma nnị tọ́rụ́ pa o dighiarị sa ngéré, tegó ọ dọ́ghụm ḅẹ́ nnị ibi ẹrẹ pa ọ sị, kụ́ma ọ mịnị ọ tẹ́mẹ́ gbọrụ pa Tamuno dọghụnyẹ mịẹ, Krais ómóniapụ ḅara.

Kolosiapụ 3:22

Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ.

1 Timoti 6:20

Timoti, pa ibima wárị n pa ị ḅárabie suanyẹ ma. Ịḅụ sií kuu pa Tamuno pịrịgha ẹ́gẹ́rẹ́ ḅụ na pịghị oḅori nyẹ nụná ḅụ, túminị́ irima ḅara pa <> sị nyẹ.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

2 Timoti 2:2

I bịpị ị náa sị a die dienyẹ ma tọgha tọgha onyésẹapụ tórúku anị sághị pa tẹ́mẹ́ gbánā na ibiapụ ḅárabie sua, pịghị ine anị pa jẹ́apụ die bẹapụ.

Taitọs 1:3

anị karakárá sa ori anị diepághámam ori oku ḅụ. Mịma anị ọ saghị i ḅarabie suanyẹ a pịghị dugho wásámam Tamuno wámịna Ḅọ́rọ́maḅọ tọ́ọ i pịrị ḅara.

Hiburuapụ 4:13

Nnị pa Tamuno ḅọghuma ḅẹnyẹ ofori nyẹ gonyẹ́ gonyẹ́ tuminikiri, anị findi gbẹ́ẹ́rẹ́m ọ tórúku. Ori ma anị ọ́rụ́ḅọ ọ́rụ́ḅọ pịghị amịna duma kịẹnyẹ go pịrịbẹḅọ.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

Puu Findi 2:23

A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.