1 Tẹsalonaikaapụ 2:2 - Ibani New Testament

² Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

1 Tẹsalonaikaapụ 2:2 ပူးပေါင်းရင်းမြစ်များ

Fịrị Ḅara 14:3

Pọl na Banabas aningáa fịnị ḅọlọm, pịghị ḅáláfaghaa ḅara pa Kị́nị́nyánáḅọ gbolomanyẹ dugho pághámam, ọ pịghị diem ḅẹẹ nna oku, ori tọ́rụ́kụrụkụ́rụ́ gbolomanyẹ, karakárányẹ o kụrọ pa nnị pịrị sị nnị ḅụ́gbérépuma nyẹ na tọ́rụ́ nẹ́ngị fịrị nwángịị bẹ ḅara.

Fịrị Ḅara 14:5

Juughaapụ ma na Juuapụ na nna sịbịdaapụ warị tọ́pẹ́lẹ́ ḅẹẹ nnị nfịrịmaapụ ma mbasịbẹm sị mgbọ́lụ pa nnị gbii.

Fịrị Ḅara 16:12

Anị ngaa wa ḅọ́rọ́ mú Filipai lam, Masidoniya ḅẹrẹtọ yọ ḅụ fịnị gbẹ́rẹ́ ama, ama ma so Rom sughubie imii, wa tọgha dii fịnịm anị ngaa.

Fịrị Ḅara 16:19

Á nyánáapụ árị sáá ḅẹ́ nna igbii mịẹ asọ pụụmam, nnị Pọl na Sailas kuum sị nnị fọ́nọ́ nna sịbịdaapụ tórúku mú nna ámáogbo ḅụ.

Fịrị Ḅara 16:37

Kụ́ma Pọl Oḅoroasawọ ma ḅẹm, <>

Fịrị Ḅara 17:1

Pọl na Sailas nna muunyẹ múm Amfipolis na Apoloniya ḅụ ḅọ́rọ́ sị ḅoo Tẹ́salonaika lam nnị Juuapụ kobiri yọ árị ngaa.

Fịrị Ḅara 17:17

Anịgo ọ warị Juuapụ kobiri yọ ma ḅụ, Juuapụ na Juughaapụ Tamuno dighi ḅáláfaarịapụ ma na dughonyẹ́ nyána ọ pịghị éné gbọrụ gbọrụ ámáogbo ma ḅoapụ na dughonyẹ́ nyánáarị.

Fịrị Ḅara 19:8

Pọl Juuapụ kobiri yọ ma sọm, sị tẹ́rẹ́ akalụ́ sịbị, ḅáláfaghaa ḅara pa ẹ́gẹ́rẹ́ ma kọ wásáma, tẹ́ghẹ̄ ḅara pa asọ dọghụ sị anị nna ḅụ koro Tamuno amadakiri ma gbolomanyẹ.

Fịrị Ḅara 4:13

Ámáḅẹ́rẹ́dughoapụ ma nnị árịnyẹ n tọ́rụ́ nẹngịm nnị ḅo árị sáá Pita na Jọn nyáná tẹ́mẹ́kụ́rọ nnị nimitẹ́lẹ́ma sáá ḅẹ́ mịnaapụ ma nnị pápátumini nnị pịghị dirinimigha. Anị ḅo nna ḅụkórom ḅẹ́ mịnaapụ ma nnị Jizọs na fịnịmaapụ.

Fịrị Ḅara 4:20

Ḅẹẹ wamịnị ine wa bịpị gbẹ́ẹ̄ wamịnị ḅara na árịnyẹ pịghị náanyẹ ma pịrịbịgha.>>

Fịrị Ḅara 4:31

Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

2 Kọrịntịapụ 3:12

Wa mị tọ́rụ́ dighinyẹ ma nyánam gosi, wa kị́nị́ dighigha.

Kolosiapụ 2:1

A biim ḅẹ́ ọ nimi a ọmịna sịbị go na pịghị Laodisiya ḅụ fịnịapụ sịbị go a tọ́rụ́siarị fịrịnwangị ọ pịrị lamamáa ḅara na pịghị jẹ́ éné na tọ́rụ́ pa ị́yẹ́ árịghaapụ ma sịbị.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.