1 Tẹsalonaikaapụ 2:16 - Ibani New Testament

¹⁶ Nnị asọ dọ́ghụm wa kiki bẹ ḅara, wa Juughaapụ dụaḅọ́rọ́ma akuoo bẹ oku ma dugho wásámabịgha ḅara. Mịị ḅara ma n mịẹarị siiamịẹnyẹ ma, n mịẹmam anị ḅo káara bifụfụụ́. Kunema Tamuno igani ḅo nna sịbị gbanamam.

1 Tẹsalonaikaapụ 2:16 ပူးပေါင်းရင်းမြစ်များ

Matiu 12:45

Anịsáa anị muubẹm sị mú jẹ́ Sọ́nọ́ma sitẹ́mẹ́ akị anị ḅụ sua, sisịbịbie nyáná anị nẹngị nyẹ, n warị muubẹm sị muu anị ngá ngaa, Kunemaá anị tumḅọ ma fịnị ḅara sii parị ma nẹ́ngịbẹm. Anịị anị fịnị mị sịbịkụ́rọ ḅụ́ọ́apụ ma pịrịbẹ ḅara.>>

Matiu 23:32

Anịsa ọ mịẹ tórúku muu sii mịẹ kárámá ọmịna daapụ sághị nyẹ!

Matiu 24:14

Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Matiu 24:6

Ọmịnị ọ́mụ́ gboloma ḅẹ́rẹ́ naábẹm pịghị ọ́mụ́gbi ọwụ náa, kụ́ma omini ma si anị ḅáláfa dighi ọ pịrị ọkọfịnị nyẹ kiriakị nyánam, kụ́ma kunema ma na laagha.

Matiu 3:12

Ori ọ ḅarabie ọ nyẹ ọlọm ọ pa ákpákpá ma sẹlẹ sii sịmgbọlụ ma ḅụ, sị sịmgbọlụ ma kobiri nnị anị koko koko yọ sua, sị ákpákpá ma dọ́ghụ́ma kọrịbibịgha fịnịbie.>>

Ibi Oku Ma Mak Anị Gịẹ Ḅara 16:16

Mininiḅọ gonyẹ́ gonyẹ́ sị pịghị mingi sara, dụaḅọ́rọ́ma nyánábẹm mininighaḅọ nnị n gulugulumabẹm,

Fịrị Ḅara 13:45

Juuapụ túminị́ kpo ma árị sáá, nnị saghị nyẹ́mọ́nịm warị Pọl wiri pịghị ọ nana nụná o dughonyẹ gonyẹ́ gonyẹ́ ḅụ.

Fịrị Ḅara 13:50

Kụ́ma Juuapụ ma mú ama ma bie opu kiri ḅụ fịnị sị Tamuno dighi ḅáláfaarị ẹ́rẹ́ na ama ma bie sịbịdáapụ ma timi sághịm. Nnị warị Pọl na Banabas pa tọ́rụ́siarịma warị n deesi anị ḅẹrẹtọ yọ ngaa.

Fịrị Ḅara 14:19

Jẹa Juuapụ, Pisidiya ḅụ fịnị Antịọkụ na Aikoniyọm ḅụ saghịḅom, nnị inem sị túminị́ ma nụ́nụ́ nna ju sọ, warị mgbọ́lụ pa Pọl gbi, warị ọ nụ́nụ́ ama ma bie págháma, sịarị ḅẹẹ ọ fịmam.

Fịrị Ḅara 14:2

Kụ́ma mininigha Juuapụ ma warị Juughaapụ ma timi saghị sị, sisịbịbie pa n sua Pọl na Banabas pịrị.

Fịrị Ḅara 14:5

Juughaapụ ma na Juuapụ na nna sịbịdaapụ warị tọ́pẹ́lẹ́ ḅẹẹ nnị nfịrịmaapụ ma mbasịbẹm sị mgbọ́lụ pa nnị gbii.

Fịrị Ḅara 17:13

Kụ́ma Tẹ́salonaika ḅụ fịnị Juuapụ náa sáá ḅẹ́ Pọl Tamuno ẹ́gẹ́rẹ́ ma dugho wásámaarị Beriya ḅụ, nnị anị ngaa ḅom sị túminị́ ma timi saghị n ḅẹ́rẹ́ dighi bẹ ḅara.

Fịrị Ḅara 19:9

Kụ́ma nna ḅụ jẹapụ sịbị kụrọm, sị mịnị mininigha, pịghị kị́nị́mamgba tórúku, nnị si ḅẹ́lẹ̄ fie Kị́nị́nyánáḅọ asọ ma pịrịm. Pọl warị n wárịso, warị mininiapụ ma sị ọ ḅụ pịrịm, sị éné gbọrụ nnị na dughonyẹ nyáná Tiranọs nyẹ́die wárịbie.

Fịrị Ḅara 21:21

Nnị dugho n pịrịmam ḅẹẹ, ị Juughaapụ bie ngaa Juuapụ mamgba diearị ḅẹ́ nnị mịnị Mosis ólóghó ma pa nyẹ́sị ma, pịghị nnị diearị ḅẹẹ n mịnị nna owiapụ awọ tọ́ngọ pẹlẹ ma, ḅẹẹ nnị mịnị pịghị Juuapụ mịẹmịẹnyẹ ma dua ma.

Fịrị Ḅara 23:12

Éné ḅáa sáá jẹa Juuapụ warị dona sị tọ́ọ n mịẹbẹnyẹ. Nnị nyẹ minini nna ḅụ pịrịm ḅẹ́ nnị bẹnyẹ bẹnyẹ fịbịghaa akị mú nnị Pọl ḅá sáá láa.

Fịrị Ḅara 24:9

Juuapụ ma sọ bịpị suam ḅẹ́ n pa ọ sịbị sẹarịnyẹ ma karakárá nyẹẹ.

Fịrị Ḅara 25:2

igwagwaalaapụ na Juu sịbịdaapụ ma ḅẹ́rẹ́ pa Pọl sịbị ḅụ sẹ angaá. Nnị warị Fẹstọsị tẹ́ghẹ̄

Fịrị Ḅara 25:7

Pọl anị ngaa láa sáá, Jerusalem ḅụ saghị ḅo Juuapụ ma ọ gbiri ikélekélem warị saghị kirikiri nyẹ dugho ọ sịbị sẹ, kụ́ma nnị ḅara pa ọlọ gbẹ́rẹ́nyẹ sọ ofori ḅẹ́ mị ọ mịẹnyẹ.

Fịrị Ḅara 4:12

Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>

Fịrị Ḅara 9:23

Tọgha dii ḅo ḅọ́rọ́ sáá, Juuapụ ma warị kobiri bịpịakị n ḅára warị ọ ḅáa bẹ ḅara.

1 Kọrịntịapụ 10:33

Pa a mịẹḅara mịẹ, a asọ dọ́ghụm sị a kị́nị́mamgba tẹ́mẹ́ mịẹ ḅẹlẹma, a mịẹarịnyẹ, gonyẹ́ gonyẹ́ ḅụ, ị́yẹ́ angaá ibi pa biekoromagha pa, kụ́ma kị́nị́mamgba ibi sị n dụaḅọ́rọ́ma nyána bẹ ḅara.

Galesiaapụ 5:11

Ị́yẹ́ a mịnaapụ, ḅọ́rọ́ ḅẹ́ a pa tọ́ngọ̄ pẹ́lẹ́ mịẹnyẹ gbolomanyẹ dugho wásámaarị n tegósi pa i pa tọ́rụ́siarịmaarị? Ḅọ́rọ́ anịma karakárányẹ, Krais mgbẹsẹ sị́ gboloma sị a dugho wásámaarị nyẹ ma ḅẹ́rẹ́ dighibịgha.

Ẹ́fịsọsapụ 3:13

Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

1 Tẹsalonaikaapụ 1:10

pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.

2 Tẹsalonaikaapụ 2:10

Pịghị tọ́rụ́kịrịkị́rị́ aka pa papa fịịfaa bẹapụ ti. Nnị papa fịị faabẹm tegó nnị karakárá ma ḅẹlẹmagha pịghị anị daakórómagha sị dụaḅọ́rọ́ma nyáná.

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

Hiburuapụ 6:8

Kụ́ma anị ḅọ́rọ́ nangi na owi ányị́nyá pághámaḅo nḅẹḅẹ́, anị ḅẹnyẹ ḅẹnyẹ ḅụ ofori, anị Tamuno si fị́lā pa pịrị ḅẹnyẹ sọ́bẹm si kunema nnị fịnị pa anị dọ́ghụ́ma.

Puu Findi 22:11

Siinyẹ mịẹarị ḅo gonyẹ́ gonyẹ́ pa fịnị siinyẹ mịẹ, ịlọlịfịnị ḅo gonyẹ́ gonyẹ́ pa ịlọ́lị fịnịị, ibi tumḅọ gonyẹ́ gonyẹ́ pa fịnị ibinyẹ mịẹ, tọ́ntọ́ fịnị ḅo gonyẹ́ gonyẹ́ pa tọ́ntọ́ fịnịị.>>