1 Tẹsalonaikaapụ 2:13 - Ibani New Testament

¹³ Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Tẹsalonaikaapụ 2:13 ပူးပေါင်းရင်းမြစ်များ

Matiu 10:20

Ḅẹẹ ọmịnịgha ẹ́gẹ́rẹ bẹnyẹ, kụ́ma ọmịna Daá Tẹ́mẹ́ anịị ọ ḅụ ḅọ́rọ́ ẹ́gẹ́rẹ́kọ bẹnyẹ.

Matiu 10:40

<<Ọ dakóróma ḅo gonyẹ́ gonyẹ́ i dakórómam, pịghị i dakóróma ḅo fịnịfịnị Tamuno ma dakórómam.

Ibi Oku Ma Luk Anị Gịẹ Ḅara 11:28

Jizọs pagharam ḅẹẹ, <>

Ibi Oku Ma Luk Anị Gịẹ Ḅara 5:1

Gbẹ́rẹ́ éné Jizọs sẹ́fịnịarị Genazarẹtị opu dappa áká ḅụ, túminị́ ma warị suma suma ḅo ọ fịnị angaá láa sị n Tamuno ẹ́gẹ́rẹ ma náa ḅẹ́ ḅara.

Ibi Oku Ma Luk Anị Gịẹ Ḅara 8:11

<

Ibi Oku Ma Luk Anị Gịẹ Ḅara 8:21

Jizọs warị pagharaa ḅẹẹ, <>

Ibi Oku Ma Jọn Anị Gịẹ Ḅara 15:3

Ọ fíafía somam a kọọ ọ pịrịmaá ẹ́gẹ́rẹ́ ma gosi.

Ibi Oku Ma Jọn Anị Gịẹ Ḅara 17:17

Nnị fófóoma ị́yẹ́ fịrị ma pịrị karakáráma ḅụ ḅọ́rọ́; ị́yẹ́ ẹ́gẹ́rẹ́ ma anịị karakárá.

Ibi Oku Ma Jọn Anị Gịẹ Ḅara 17:19

Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Fịrị Ḅara 10:33

Anịgo, anị gbẹ́rẹ́kiri a fịrịma ị sịịm, ị pịghị ibiḅara mịẹm i ḅoo ḅara ma. Mị́sa wamịnị kị́nị́mamgba mịnga imii Tamuno tórúku, kúruarị wa náa bẹ ḅara Tamuno ị fịrịma sị ị dugho wa pịrịbẹnyẹ.>>

Fịrị Ḅara 13:48

Juughaapụ ma mịma náa sáá, nnị bieḅẹlẹm, nnị warị Kị́nị́nyánáḅọ ma ẹ́gẹ́rẹ́ túminí anịgo nnị tọghaapụ ḅẹ́ nnị duma gbámásó nyáná ḅo mininim.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 17:11

Mịnga fịnị túminị́ ma tẹ́mẹ́ sárásárá Tẹ́salonaika ḅụ fịnịapụ ma nẹngịm. Nnị birifama oku ma pughum éné gonyẹ́ gonyẹ́ ḅụ, nnị pịghị Tọ́ndiri ma dáwọm sị nimidọghu Pọl pa n dienyẹ́ ma ḅọ́rọ́ karakárá.

Fịrị Ḅara 17:32

Nnị náa sáá Pọl fịị ḅụ saghị gbólómanyẹ dugho sáá jẹapụ ọ kpọtim, kụ́ma jẹapụ ḅẹ́ẹ́m ḅẹẹ, <>

Fịrị Ḅara 2:41

Nna ḅụ tọghaapụ ori oku ma mininim nnị warị pịghị mingi pa nnị sara, anị éné ma ḅụ túminị́ sọ́nọ́ma ndẹ́ẹ oyia si findi anị túminị́ ogbo ma bie ḅo sọọ nyẹ.

Fịrị Ḅara 8:14

Jerusalem ḅụ fịnị nfịrịmaapụ ma naam ḅẹẹ, Sameriyaapụ ma Tamuno ẹ́gẹ́rẹ́ ma mininimam, nnị warị Pita na Jọn pa n fịrịma.

Romapụ 10:17

Anịgo, minini ḅo ḅom oku ma náa ḅụ, oku ma ḅo ḅom Krais gboloma oku ma dugho wásáma ḅụ.

2 Kọrịntịapụ 3:18

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Hiburuapụ 4:12

Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 1:25

Kụ́ma Kị́nị́nyánáḅọ ẹ́gẹ́rẹ́ ma fịnị mú ḅẹsá ḅẹsá lam.>> Mị ẹ́gẹ́rẹ́ ma anị n dugho págháma ọ pịrị ibi ẹ́gẹ́rẹ́ ma.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

2 Pita 3:2

A biim ḅẹ́ Ḅọlọmaa sáá tọ́ntọ́ ikiakoroapụ ma kọọ ẹ́gẹ́rẹ́ ọ pa biekóróma, na pịghị wámịna Nyánáḅọ na Dụaḅọ́rọ́maḅọ pa wa pịrị ólóghó ọmịna nfịrịmaapụ ma ḅara ḅọ́rọ́.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.