1 Tẹsalonaikaapụ 2:11 - Ibani New Testament

¹¹ Ọ kọkọ nimi ḅẹ́ wamịnị ọ́rụ́ḅọ ọ́rụ́ḅọ na mịẹm, nyingiapụ na daapụ nna awọ na mịẹ ḅara.

1 Tẹsalonaikaapụ 2:11 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 16:28

ḅẹẹ a sọ́nọ́a mịna owiapụ nyánam. Ori n birinụ́nụ́, sị nnị mị tọ́rụ́siarị angaá ma ḅobịgha ḅara.>

Fịrị Ḅara 20:2

Ori anị párángáa ḅụ ḅọ́rọ́m warị tọgha biekụ́rọ́ma ẹ́gẹ́rẹ́kọọ túminị́ ma tẹ́mẹ́ kụ́rọ́maá. Ọ warị anịsáa ḅọ́rọ́ ḅo Akaya láa,

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

1 Tẹsalonaikaapụ 2:7

Krais fịrịmaapụ ḅara, wamịnị ine ọ ḅara nyẹ́bibẹm. Kụ́ma wa diin ḅara pa ọ nana mịẹm wamịnị ọ nana fịnị sáá, nyingiḅọ árị awọ siḅearị ḅara.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 4:6

Mị ḅẹ́rẹ́ ma ḅụ, gbẹ́rẹ́ḅọ sọ amịna Krais asọduaḅọ mị́naḅọ irima ma anịgha inomaa. Wa parị mịma dugho ọ pịrịmam pịghị kụ́rọ́ma o birinụ́nụ́ ḅẹ Kị́nị́nyánáḅọ anị nyẹ ma mịẹapụ pa tọ́rụ́siarịmabẹm.

1 Tẹsalonaikaapụ 5:11

Anịgo, ọ jụghọ jụghọ tẹ́mẹ́ kụrọma ọ pịghị ḅárásua jụghọ jụghọ pịrị, mị́sa ọ mịẹarị ḅara ma.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

2 Tẹsalonaikaapụ 2:5

O biekórómagha? A kọkọ mị mamgba dugho ọ pịrị a pa ọ nana mịnga fịnị sáá.

2 Tẹsalonaikaapụ 3:12

Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe.

1 Timoti 5:21

Wámịna Tamuno tórúku na pịghị Krais Jizọs tórúku na pịghị tọ́ntọ́ sookumuapụ ma tórúku. A dugho kụrọma ọ pịrịm ḅẹ́ ọ mị ẹ́gẹ́rẹ́ ma pa nyẹ si, ḅẹ́ ma ḅẹ́ mingaḅọ ibim, mingaḅọ ibighaa, ị mịẹarịnyẹ gonyẹ́ gonyẹ́ ḅụ.

1 Timoti 5:7

Mịná bịpị kóróma warị ẹ́gẹ́rẹ́ ma kọọ kị́nị́mamgba pịrị si n karakárányẹ ma mịẹbẹ ḅára sị n bịpị dighiḅobịgha ḅara.

1 Timoti 6:13

Tamuno ma tórúku, duma pa nyẹ gonyẹ́ gonyẹ́ pịrịarị ḅo na pịghị Krais Jizọs tórúku, ori sẹ sị ori minini dugho pághámaḅo Pọntiyọs Paileti tórúku, a tọ́ọ ị pịrịm

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

1 Timoti 6:2

Ómóniapụ, Krais ḅụ mininiapụ nyánáapụ nna nyánáapụ ḅara, osigha nyanagha ḅara pa nnị na ngaa ma ḅẹ́ nnị sọ mịnaapụ gosi. Tụ́ma nnị ibiḅaa ḅara pa fịrịnwangị n pịrị tegó nna fịrị ma ḅụ sọnyẹ fịarịapụ nnị sọ mininiapụ na n pịghị ḅẹlẹmaapụ. Mịnanyẹ ịrị anị diebẹm pịghị anị dugho wásámáa n pịrịị.

Taitọs 2:15

Mịnanyẹ ma die, ị́yẹ́ sịbịdaa kụ́rọ ma pa n tẹ́mẹ́ kụrọma pịghị igani ị naarịapụ pịrị. Minima gbẹ́rẹ́ḅọ so idighisima.

Taitọs 2:6

Anị gbẹ́rẹ́ ḅara ma ásáawọ ma ḅẹẹ, nnị nna ḅụ ọlọ.

Taitọs 2:9

Ómóniapụ die ḅẹ́ nnị ḅụsímínímá nna nyánáapụ pịrị nyẹ gonyẹ́ gonyẹ́ ḅụ pịghị n tẹ́mẹ́ ḅẹlẹma bẹnyẹ mịẹ. Nnị n bịpị pághárabịgha

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.