1 Tẹsalonaikaapụ 2:10 - Ibani New Testament

¹⁰ Ọmịnị wámịna onyésẹapụ anị Tamuno sọ sẹ wa pịrị ḅara ḅẹ wámịna mịẹnyẹ ọmịnị mininiapụ ma tórúku, fiafiam, karakáram pịghị bịpị ḅụ láanyẹ nyanagha.

1 Tẹsalonaikaapụ 2:10 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 23:41

Ḅẹẹ wámịna angaá nyẹ karakáram ḅẹẹ, wa wámịna fịrị ḅara gbẹ́ẹfịnyẹ nyánáarị, kụ́ma ori ọ miẹsima nyẹ ofori.>>

Fịrị Ḅara 20:18

Nnị ḅo láa sáá, ori n ḅẹm ḅẹẹ, <

Fịrị Ḅara 20:26

Anịgo mị́sa a dughofindi ọ pịrịarị ḅẹ́, faá bẹ ḅo gonyẹ́ gonyẹ́ ọmịna bie n ḅo ọmbịnyẹ́ i sịbị sẹbịgha.

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 11:11

A mịma dughogha ḅẹẹ a ọ ḅẹlẹmagha gosi? Tamuno nimim ḅẹẹ a ọ ḅẹ́lẹ́mam.

2 Kọrịntịapụ 11:31

Wámịna nyánáḅọ Jizọs Krais Daa, pịghị ọ Tamuno, n túminí bẹḅọ ákị mú ḅẹsá ḅẹsá la, nimim ḅẹẹ a epeletigha.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 5:11

Wa nimim Kị́nị́nyánáḅọ dighi ḅáláfa dughoarịnyẹ, anịgo, wa ḅụ́kọ́rọ́ma túminị́ tẹ́ghẹ̄m. Tamuno káara ḅara pa wa nimim, ọmịnị sọ pịghị wa nimim.

2 Kọrịntịapụ 7:2

Ọmịnị asọ tẹ́lẹ́ma wa pịrị ọmịna tẹ́mẹ́bie. Na wa gbẹ́rẹ́ḅọ so irimagha, wa pịghị gbẹ́rẹ́ḅọ sọ mbasịgha, anịgha gbẹ́rẹ́ḅọ sọ inoma.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Tẹsalonaikaapụ 2:5

Ọ Kọkọ ibima nimi ḅẹ wa ḅẹlẹ bịpị ẹ́gẹ́rẹ́ pa ọ́ dámaḅogha anịgha wa ọ damaḅo so ḅọ́rọ́ wamịnị ibi oku ma pa sọ́nyẹ mịẹ dọghụnyẹ ọmịna ḅara. Tamuno anịị wámịna onyésẹ̄ḅọ.

2 Tẹsalonaikaapụ 3:7

Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

2 Timoti 3:10

Ịrị kọkọ ị́yẹ́ dienyẹ mamgba nimi, ị́yẹ́ duma ḅara, a goo a mịẹarịnyẹ mịẹnyẹ, ị́yẹ́ minini, ị́yẹ́ inéma, ị́yẹ́ ḅẹlẹma, ị́yẹ́ ngịrịma.

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.