1 Tẹsalonaikaapụ 2:1 - Ibani New Testament

¹ Ọmịnị wámịna Daá awọ nimim ḅẹ́ wámịna ọ damaḅo ma papanyẹ sọgha.

1 Tẹsalonaikaapụ 2:1 ပူးပေါင်းရင်းမြစ်များ

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

1 Kọrịntịapụ 15:2

Mịị ibi oku ma ḅụ ḅọ́rọ́ ọ dụaḅọ́rọ́ma nyánam, ọ ḅọ́rọ́ a dugho wásáma ọ pịrị ẹ́gẹ́rẹ́ ma ọ́lọ́ kụ́rọ́ma kụ́rọ́maá. Ọkọgha nḅẹḅẹ́, ọ pápá mininimam.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 4:11

Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

2 Tẹsalonaikaapụ 1:10

O ḅomaẹrẹ anị éné ma sị o boma daakị bẹ ḅara ọra túminị́ mamgba ḅárábie na pịghị kuu, mininiapụ mamgba ḅarabie. Ọmịnị sọ nna ḅụ gbẹ́rẹ́apụ sọbẹm tegó ọmịnị wa dugho ọ pịrị oku ma minimam.

2 Tẹsalonaikaapụ 3:1

Kunemaá, I Daa awọ, ọ tẹ́ghẹ̄ wa pịrị, ḅẹẹ Kị́nị́nyánáḅọ oku ma álála kaá wásámabẹm, sị nnị pịghị kuu ḅụ ẹ́gẹ́rẹ́ ma daakị ọmịnị sọ anị daakị ḅara.