1 Tẹsalonaikaapụ 1:5 - Ibani New Testament

⁵ Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Tẹsalonaikaapụ 1:5 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 16:20

Ori ọḅụduaapụ ma muu ngaamamgba ḅụ oku ma dugho wásámám, Kị́nị́nyánáḅọ ma sọ nnị na fịrịma nwángịm pịghị diepágháma ḅẹ́ n kọọ wásámáa ẹ́gẹ́rẹ́ ma tụ́mányẹẹ, ọ nwángị tọgha ḅụ́gbérépuma fịrị ḅụ ḅọ́rọ́.

Ibi Oku Ma Luk Anị Gịẹ Ḅara 1:1

Ị́yẹ́ opu Tiofilọs, kuu ḅụgbẹḅọ, tọghaapụ nna ịnyọ la ḅara mịẹmam sị nyẹ gịẹ diri bie sua, mịẹmáa nyẹ wámịna ogboku bie.

Fịrị Ḅara 11:21

Kị́nị́nyánáḅọ kụ́rọ n nana imi, tọgha túminị́ mininim sị pịghị nna ḅụ saghị Kị́nị́nyánáḅọ ma pịrị.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 2:16

A dugho wásáma ibi oku ma dugho ḅara ḅụ, mịị anị fịnị bẹ ḅara anị éné ḅụ Tamuno Jizọs Krais ḅụ ḅọ́rọ́ túminị́ ḅọ́ghụ́ kóróma ḅụ ḅẹ́rẹ́kọ bẹ sa.

1 Kọrịntịapụ 1:24

kụma Tamuno sịmáapụ ma, Juu na Juughaapụ mịị oku ma anịị Krais Tamuno ma kụrọ na pịghị Tamuno níminyẹ.

1 Kọrịntịapụ 10:33

Pa a mịẹḅara mịẹ, a asọ dọ́ghụm sị a kị́nị́mamgba tẹ́mẹ́ mịẹ ḅẹlẹma, a mịẹarịnyẹ, gonyẹ́ gonyẹ́ ḅụ, ị́yẹ́ angaá ibi pa biekoromagha pa, kụ́ma kị́nị́mamgba ibi sị n dụaḅọ́rọ́ma nyána bẹ ḅara.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

1 Kọrịntịapụ 3:6

Ịrị mgbọ́lụ ma dipim, Apọlọs mingi pa anị saram, kụ́ma Tamuno anị mịẹḅọ sị anị senị́ị́.

1 Kọrịntịapụ 4:20

Ḅẹẹ Tamuno amadakiri ma, ẹ́gẹ́rẹ́ bịpị ngéré ḅụ ofori, kụ́ma kụrọ ḅụ.

1 Kọrịntịapụ 9:14

Anị gbẹ́rẹ́ ḅara ma Kị́nị́nyánáḅọ bịpị pịrịmam ḅẹẹ ibi oku ma dugho wásámáarịapụ ma, sọ nna fị́fị́nyẹ nyánáḅọ ibi oku ma dugho wásáma ḅụ.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 3:20

Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Filipaiapụ 4:9

Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

2 Tẹsalonaikaapụ 2:14

Tamuno ọ sị mịma bie suam wa dugho wásáma ibi oku ma ḅụ ḅọ́rọ́; ori ọ sim ḅẹ́ o ḅo ọmịna diekiri akịị wámịna Nyáná ḅo Jizọs Krais ipine ḅụ.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

2 Timoti 2:8

Jizọs Krais pa biekóróma, Deviti furo tụwọ, n fịị ḅụ saghịma ḅo nnị anị die ḅara a dugho wásáma ibi oku ma ḅụ.

Hiburuapụ 10:22

Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 1:19

Wámịna ḅụ, mịma dugho kụ́rọmamam ikiakoroapụ ma dughonyẹ olomsa biri, anị ibim ḅẹ́ ọ birifama anị pughu tegó anị kánákánábie kọrịarị tọndọ kịkam, kọrịarị nyẹ ákị mú énéḅama, dede ḅálōló baá ma sọ ḅo kọrị ọmịna tẹ́mẹ́bie sọ.