1 Tẹsalonaikaapụ 1:3 - Ibani New Testament

³ Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 1:3 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 14:15

<<Ọ ḅọ́rọ́ i ḅẹlẹma ḅẹlẹma, ọmịnị ị́yẹ́ ologho ma kokobẹm.

Ibi Oku Ma Jọn Anị Gịẹ Ḅara 15:10

Ọ ḅọ́rọ́ ị́yẹ́ ologho ma koko koko, ọmịnị ị́yẹ́ ḅẹlẹma ḅụ fịnịbẹm, ịrị ma sọ Daḅọ ma ologho koko sị ori ḅẹlẹma ḅụ fịnị ḅara.

Fịrị Ḅara 10:31

sị ḅẹẹ,

Fịrị Ḅara 3:19

O sii ḅụ pịghị sị, Tamuno damaḅo sị ori ọmịna sii ḅụ ḅárási ọ pịrị.

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 16:6

Meri bii, opuma fịrịnwangị ọ pịrịḅọ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

1 Tẹsalonaikaapụ 3:6

Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

1 Timoti 2:3

Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm,

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 11:17

Minini anị Ebraham mịẹsị ori o tụ́wọ Aizik pa agbā mịẹ Tamuno pịrị, Tamuno ọrẹ daádighi pa o daa sáá. Ebraham anị Tamuno nyẹ mini pịrị ḅo anị so ọ pa ọrẹ Kpọ́kpọ́ gbẹ́rẹ́ tụ́wọ pa agbā mịẹ dọ́ghụm.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Hiburuapụ 4:11

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

1 Pita 3:4

Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.

1 Jọn 3:21

Anịgo ị́yẹ́ ibi nangwọapụ, ḅọ́rọ́ wámịna tẹ́mẹ́bie wa dighi iganịgha wa biekpọ nyánam Tamuno ma tórúku.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.

1 Jọn 5:3

Wámịna Tamuno ḅẹlẹma dughoarị ḅẹ́ wamịnị ori ólóghó ma kokoarị. Ori ólóghó pịghị opuma wámịna ḅụ ikugha,

Puu Findi 2:19

A ọmịna mịẹnyẹ nimim. A ọmịna ḅẹlẹma nimim, ọmịna minini, ọmịna fịrị ḅara na ọmịna ngịrịma. A nimim ḅẹẹ mị́sa ọ fịrịnwangị parị ọ nwángị ḅara nẹngịm.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.