1 Tẹsalonaikaapụ 1:10 - Ibani New Testament

¹⁰ pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.

1 Tẹsalonaikaapụ 1:10 ပူးပေါင်းရင်းမြစ်များ

Matiu 1:21

Árị owitụ́wọ yiibẹm, Jizọs anịị i pa ọ sịịbe ẹ́rẹ́, tegó, ori ọrẹ a túminị́ duaḅọ́rọ́mabẹm nna sii ḅụ.>>

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:28

A karakárányẹ ma dugho ọ pịrịm, jẹapụ mịnga sẹ́fịnịarịapụ fịịbịgha akị muu n Tumḅọ yii Tụwọ ma árị ḅoarị ori ásẹ́mẹ́kiri ḅụ.>>

Matiu 3:7

Kụ́ma ọ ḅoo tọgha Farisii na Sadusiiapụ árị sáá ọ damaḅoapụ ḅẹ́ ọ mingi pa n sara, ori ḅẹm: <<Ọmịnị tọgha sii ododó! Tụọ ọ birinụ́nụ́ ḅẹ́ ọ mangị ḅoarị tọ́rụ́siarị ma pịrị?

Ibi Oku Ma Luk Anị Gịẹ Ḅara 2:25

Anị sáá ma ḅụ gbẹ́rẹ́ owitụ́wọ imi nnị Simion, pa sịḅọ, Jerusalem ḅụ ori ngam ori ọ́ karakárá ibiamịẹnyẹ tumḅọ, Tamuno ḅẹlẹma nyẹ́ mịẹarịḅọ ọ pịghị Izirẹlị dụaḅọ́rọ́ma ma kuruarị, Tọ́ntọ́ Tẹ́mẹ́ ma so ọ nana imi.

Ibi Oku Ma Luk Anị Gịẹ Ḅara 3:7

Tọgha túminị́ Jọn damaḅom ḅẹẹ ọ mingi pa n sara. Ọ warị n ḅẹẹ, <<Ọmịnị sii ododó kpo! Tụọ dugho ọ pịrị ḅẹ́ ọmịnị ine mangịsobẹm Tamuno fịrịma ḅo ḅẹ́ tọ́rụ́siarị ma ḅụ?

Fịrị Ḅara 1:11

Warị ḅẹẹ, <>

Fịrị Ḅara 17:31

Tegó ọ sáá pẹ́lẹ́mam o tuminikiri sịbị gbọrụ ori ọ ḅara na sẹlẹakịḅọ ma pa ḅẹ́rẹ́kọ bẹnyẹ karakárá ḅụ. Ọ mịma diepágháma kị́nị́mamgba pịrịm ọ fịị ḅụ ọ saghịma ḅara.>>

Fịrị Ḅara 2:24

Kụ́ma Tamuno fịị ḅụ ọ saghịmam, sị ọ dụaḅọ́rọ́ma fịị kụrọ ḅụ, tegó anị ḅụdam ḅẹẹ fịị ọ pa ikólinaḅọ mịẹ.

Fịrị Ḅara 2:32

<

Fịrị Ḅara 3:15

Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

Fịrị Ḅara 3:21

O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné.

Fịrị Ḅara 4:10

anị sáá, ọmịnị kị́nị́mamgba nimi, Izirẹlịawọ mamgba, o nimi ḅẹẹ ọmịnị ogboku bie sẹ́ owitụ́wọ ma Jizọs Krais Nazarẹtị ḅụ saghị ḅoḅọ ma ẹ́rẹ́ ḅụ anịị ọ ḅọ́rọ́ gwọọ nyẹ, ọ ḅaupálị ḅọ, Tamuno pịghị sị sághịma ḅọ fịị bie.

Romapụ 1:4

Ori ḅo ḅara gbolomanyẹ Tamuno ma ḅara, na pịghị ori tọ́ntọ́, Tamuno opu kụrọ ḅụ diem bẹ ori anị Tamuno ma Tụ́wọ ma ori fịị ḅụ ọ saghịma sáá, Jizọs Krais wámịna Nyánáḅọ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 4:25

Wámịna sii gosi nnị ọ saghị fịị ḅarabie suam warị pịghị duma ḅụ ọ saghịma, sị ọ wa pa Tamuno na karakárá ḅụ warị bẹ ḅara.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

1 Kọrịntịapụ 1:7

Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Filipaiapụ 3:20

Wamịnị sobie amaapụ anịgosi wa wa ḅụ sẹ́ghịma wámịna dụaḅọ́rọ́ma ḅo Kị́nị́nyánáḅọ Jizọs Krais kúruarị sị o sobie saghị ḅoo.

Kolosiapụ 1:18

Ori anịị oju ḅụ sịbịdáḅọ, anịị Tamuno kubiri ogbo ma, ori anịị sughu saghị ma, n pịghị tarị fịịapụ mamgba ḅụ saghịma ḅọ, sị nyẹ́ gonyẹ́ gonyẹ́ ḅụ ori sịbịdaa bẹ ḅara.

1 Tẹsalonaikaapụ 1:7

Anịgoo o ḅo túminị́ daa ọ mịẹ ḅara mịẹarị mininiapụ dighim Masidoniya na Akaya ḅụ.

1 Tẹsalonaikaapụ 2:16

Nnị asọ dọ́ghụm wa kiki bẹ ḅara, wa Juughaapụ dụaḅọ́rọ́ma akuoo bẹ oku ma dugho wásámabịgha ḅara. Mịị ḅara ma n mịẹarị siiamịẹnyẹ ma, n mịẹmam anị ḅo káara bifụfụụ́. Kunema Tamuno igani ḅo nna sịbị gbanamam.

1 Tẹsalonaikaapụ 2:7

Krais fịrịmaapụ ḅara, wamịnị ine ọ ḅara nyẹ́bibẹm. Kụ́ma wa diin ḅara pa ọ nana mịẹm wamịnị ọ nana fịnị sáá, nyingiḅọ árị awọ siḅearị ḅara.

1 Tẹsalonaikaapụ 5:9

Tamuno wa sẹlẹakịgha ḅẹ wa ḅo ori igani tọ́rụ́siarị arịị, kụ́ma wa ḅo dụaḅọ́rọ́ma nyáná wámịna Nyáná ḅo Jizọs Krais ḅụ ḅọ́rọ́.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 10:27

Tụ́ma kọnyẹ́, mamgba wa ḅáláfa ḅụ ḅoarị ḅẹ́rẹ́kọ siri ma pịghị Tamuno osighaapụ dọ́ghụ́ma bẹ gbagba kọrịfịnị ma kúru.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 2:21

Mịma sịbị go anịị Tamuno go ọ sị nyẹ ḅẹ́ Krais ọ ḅụgbọrụ tọ́rụ́siarị ọ pịrịm ọ pa ọ ḅarabie nyẹ dáwọ sị ọ ḅụọ dua.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

2 Pita 3:12

ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

Puu Findi 1:18

Irịị anịị duma fịnịḅọ ma! A fịị sáá imii, kụ́ma mị́sa a duma muu ḅẹsá ḅẹsá lam. A kụ́rọ nyáná ḅo fịị pịrịm na fịịmaapụ ma tuminikiri.

Puu Findi 1:7

Dighi, ori oḅuto na ḅoarị! Fịnịḅọ fịnịḅọ ori árịbẹm, sụḅa pa o gbiapụ ma sọọ; tuminikiri fịnị túminị́ gonyẹ́ gonyẹ́ dụadu ọ pịrịbẹm. Anịị anị fịnị bẹ ḅara!