1 Tẹsalonaikaapụ 1:1 - Ibani New Testament

¹ Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.

1 Tẹsalonaikaapụ 1:1 ပူးပေါင်းရင်းမြစ်များ

Fịrị Ḅara 15:22

Anịsáa, nfịrịmaapụ ma na sẹ́nịapụ ma na sọsị gbọrụ warị nna ogbobie jẹa túminị́ sẹlẹakị warị nnị pa Antịọkụ fịrịma, nnị na Pọl na Banabas. Nnị mmẹẹ́ a túminị́ sẹ́lẹ́akịm, mininiapụ ma opuma osigha nyáná pịrịapụ, Judas nnị Basabas pa sịḅọ na Sailas.

Fịrị Ḅara 15:27

Wa Judas na Sailas pa ọ fịrịmaarị, n bịpị na diri bie wa gịẹnyẹ ma dugho ọ pịrịbẹapụ.

Fịrị Ḅara 15:40

Pọl, Sailas sẹlẹakịm sị soo, mininiapụ ma warị n saghị Kị́nị́nyánáḅọ tọ́rụ́kụrụkụ́rụ́ ḅụ sua.

Fịrị Ḅara 16:19

Á nyánáapụ árị sáá ḅẹ́ nna igbii mịẹ asọ pụụmam, nnị Pọl na Sailas kuum sị nnị fọ́nọ́ nna sịbịdaapụ tórúku mú nna ámáogbo ḅụ.

Fịrị Ḅara 16:25

Dii ogbo Pọl na Sailas tẹ́ghẹ̄arị pịghị boma núme suu Tamuno pịrịarị ikólinaapụ ma sọ n pughuarị.

Fịrị Ḅara 16:29

Ikóliwarị kúrúḅọ ma tọndọ gbilam, warị mangị ikóliwarị ma sọọ, jighe jighearị ḅáláfaa ḅụ ọ warị bịghịkoro Pọl na Sailas ḅụọ.

Fịrị Ḅara 17:11

Mịnga fịnị túminị́ ma tẹ́mẹ́ sárásárá Tẹ́salonaika ḅụ fịnịapụ ma nẹngịm. Nnị birifama oku ma pughum éné gonyẹ́ gonyẹ́ ḅụ, nnị pịghị Tọ́ndiri ma dáwọm sị nimidọghu Pọl pa n dienyẹ́ ma ḅọ́rọ́ karakárá.

Fịrị Ḅara 18:5

Sailas na Timoti ḅo Masidoniya láa sáá, Pọl ori sáá fámam, Tamuno ẹ́gẹ́rẹ́ ma dugho wásámaarị, pịghị dugho págháma Juuapụ ma pịrịarị ḅẹẹ, Jizọs ori anịị n Pulo pa Sịbị Saraḅọ ma.

Fịrị Ḅara 19:22

Ọ warị Timoti na Erastọs, ḅárásua ọ pịrịarị mmẹapụ fịrịma Masidoniya muu, ori ma warị kẹ́lẹ́ sáá ngúmá Esiya ḅẹrẹtọ angaá.

Fịrị Ḅara 20:4

Sopata, Piirus tụwọ, Beriya ḅụ saghị ḅoḅọ ọ nana múm, anịị pịghị Tẹ́salonaika ḅụ saghị ḅoapụ Aristakọs na Sekondọs, Gayọs Derbe ḅụ saghị ḅoḅọ, Tisikọs na Trofimọs Esiya ḅẹrẹtọ angaá ḅụ sághị ḅoapụ, na pịghị Timoti nnị na muu ḅara.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

1 Kọrịntịapụ 1:2

wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

2 Kọrịntịapụ 1:19

Ḅẹ́ Jizọs Krais Tamuno Tụwọ, Sailas na Timoti na ịrị ma dugho wásáma ọ pịrịḅọ ma, ori <> na <> kụ́ma ọ ḅụ Tamuno <> ngéré ḅẹm.

Galesiaapụ 1:2

Mịnga fịnị mịná owiapụ mamgba bịpị suam ḅẹẹ, a Galesia bie fịnị Tamuno kubiri ogbo mamgba bii.

Galesiaapụ 1:22

Anịsa ma ḅụ Krais kubiri ogbo mamgba Judiya ḅẹ́rẹ́kọ yọ bie fịnịnyẹ na nnị inimigha ịrị tụọ.

Ẹ́fịsọsapụ 1:2

Tamuno wámịna Daa na Wányánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Kolosiapụ 1:1

Irị Pọl, Krais Jizọs fịrịmaḅọ, Tamuno ma tọ́ọ ḅárá ḅụ, anịị mịị diri ma gịẹ ọ fịrịmaarịḅọ. Timoti wámịna numboru owitụ́wọ na ịrị na mịị diri ma pa ọ fịrịmam.

2 Tẹsalonaikaapụ 1:1

Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

2 Timoti 1:2

A gịẹ pa ị́ pịrịm Timoti ị́yẹ́ ibi tụwọ: Tamuno Daḅọ na Krais Jizọs wámịna Nyánáḅọ tọ́rụ́kụrụkụ́rụ́, lolomakúkúbie na diin pa ị pịrịị.

Hiburuapụ 13:23

A dọ́ghụm o nimi wámịna numboru owitụ́wọ Timoti, ori ikólibie págháḅomam ori álála ḅo ḅo, a ọ nana ḅobẹm sị ọmịnị ori arịị.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

1 Jọn 1:3

Wamịnị árị pịghị namaa nyẹ ma anị wa pịghị dugho págháma ọ pịrịnyẹ, ọmịnị wamịnị na miẹgbolomáa nyáná bẹ ḅara, mị miẹgbolomáa ma, wa Daḅọ ma na anị nyanam na pịghị ọ Tụwọ Jizọs Krais.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.