1 Pita 5:5 - Ibani New Testament

⁵ Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́, Tamuno opuamịẹnyẹapụ ma daá sẹ́ma sẹ́mam kụ́ma ọrẹ ḅẹlẹma pa ḅụ sitérémaapụ ma die.

1 Pita 5:5 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 22:26

Kụ́ma, ọmịnị anị ọkọ pa ọ nana fịnị ma. Ọmịna bie géléḅa ḅọ ma ḅụ warịbẹm sọ́ḅọ́rọ́ ori ịrụ́ḅam, táarịḅọ sọ́ḅọ́rọ́ fịrịnwangị n pịrịarịḅọ.

Romapụ 12:10

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Ẹ́fịsọsapụ 5:21

Ọmịnị ọmịna ḅụ siterema jụghọ jụghọ pịrị ọ nyáná Krais pịrị osigha gosi.

Filipaiapụ 2:3

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Timoti 5:1

Kụrọ pụghọ pa ẹ́gẹ́rẹ́kọọ dii pa i nẹ́ngị owitụ́wọ pịrịma, kụ́ma ẹ́gẹ́rẹ́kọọ ọ pịrị sọ́ḅọ́rọ́ ori anịị ị daá. Ị dii pa nẹ́ngị owiapụ awọ ma akịị ị́yẹ́ owiapụ mịnaapụ ḅara.

Hiburuapụ 13:17

Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

Jems 4:6

Kụ́ma Tamuno nyáná wa pịrị tọ́rụ́kụrụkụ́rụ́ kụrọm anị Tọ́ndiri ma dugho ḅara ḅẹ́, <>

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:1

Krais ojumẹnị ḅụ tọ́rụ́siarị ḅara, ọmịnị so ọmịna ḅụ mịẹ karakáráma warị anị gbẹ́rẹ́ ḅara ma, tegó ojumẹnị ma pa tọ́rụ́siarịmáa ḅo sii mịnị n ḅọ ḅụ kụrọ nyanagha.

1 Pita 4:5

Nnị nna duma kọọ ḅárá gbẹ́rẹ́nyẹ gbẹ́rẹ́nyẹ n dugho Tamuno pịrịbẹm, ḅẹ́rẹ́kọ dumaapụ na fịịapụ pịrịbẹḅọ.