1 Pita 5:12 - Ibani New Testament

¹² Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

1 Pita 5:12 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 21:21

Pita ori árị sáá, ọ gbilam, <>

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 15:22

Anịsáa, nfịrịmaapụ ma na sẹ́nịapụ ma na sọsị gbọrụ warị nna ogbobie jẹa túminị́ sẹlẹakị warị nnị pa Antịọkụ fịrịma, nnị na Pọl na Banabas. Nnị mmẹẹ́ a túminị́ sẹ́lẹ́akịm, mininiapụ ma opuma osigha nyáná pịrịapụ, Judas nnị Basabas pa sịḅọ na Sailas.

Fịrị Ḅara 20:24

Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

1 Kọrịntịapụ 15:1

Mị́sa i jẹa mininiapụ, a pá o biekóróma, a dugho wásáma ọ́ pịrị ibi oku, ọ daákịnyẹ, anị ḅụ anịị ọmịna minini pịghị sẹ nyẹ.

2 Kọrịntịapụ 1:19

Ḅẹ́ Jizọs Krais Tamuno Tụwọ, Sailas na Timoti na ịrị ma dugho wásáma ọ pịrịḅọ ma, ori <> na <> kụ́ma ọ ḅụ Tamuno <> ngéré ḅẹm.

2 Kọrịntịapụ 1:24

Ḅẹgha ḅẹ́ wa dugho ọ pịrịarị ḅẹ́ ọ minini, wa nimim ḅẹ́ ọ sẹ kụrọm ọmịna minini ḅụ, Anịmanakaragha wamịnị ó nana nwángị gbólomaarị ọmịna bieḅẹlẹ bẹ ḅara.

Ẹ́fịsọsapụ 3:3

Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam.

Ẹ́fịsọsapụ 6:21

Tisikọs, wámịna ibi numboru pịghị sẹ́kụrọ Kị́nị́nyánáḅọ fịrịnwangịḅọ nyẹ gonyẹ́ gonyẹ́ dugho ọ pịrịbẹm o nimi bẹ ḅara a fịnị ḅará na a nwángị kọọarị ḅara.

Kolosiapụ 1:7

Ọ Tamuno tọ́rụ́kụrụkụ́rụ́ ma gbolomanyẹ dáwọ ḅom Epafras ḅara, wámịna ibifịrị nwángị ḅụ gbẹ́rẹ́ḅọ, Krais ḅụ sẹ́kụrọ fịrịnwangịḅọ wámịna sịbị gosi.

Kolosiapụ 4:7

Tisikọs, a ḅẹlẹma numboru owitụ́wọ ibi fịrịnwangịḅọ pịghị i jẹa Tamuno fịrịnwangịḅọ, ori ị gbolomanyẹ mamgba dugho ọ pịrịbẹm.

Kolosiapụ 4:9

Ori Onisimọs na ḅoarị, wa ḅẹlẹma numboru owitụ́wọ pịghị sẹ́kụrọ ḅo, ori ma pịghị ọmịna ḅụ́gbẹrẹḅọ. Nnị mịnga págháarị nyẹ mamgba dugho ọ pịrịbẹm.

1 Tẹsalonaikaapụ 1:1

Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.

2 Tẹsalonaikaapụ 1:1

Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 4:10

Ọ́rụ́ḅọ ọ́rụ́ḅọ, n ḅo nyáná ḅo dienyẹ ma pa fịrịnwangị jụghọ jụghọ pịrị, ibi fịrịnwangịapụ ḅara ine Tamuno ma pa n pịrị tọ́rụ́kịrịkị́rị́ dienyẹ pa ibiḅara pa fịrịnwangịarịḅọ.

2 Pita 1:12

Anịgo a sámámgba mịnanyẹ ma pa o biekórómabẹm, karakárányẹ ḅẹ́ ọmịnị ibiḅara pa anị nimim, ọ nyanaḅo maá karakárá ma ḅụ ọ pịghị sẹ kụrọm.

2 Pita 2:15

Nnị gbụ́nụ́nụ́ asọ ma warisomam si asọ ịrị. Nnị Balaam, Beza tụwọ asọ duamam, irima nyẹ ḅụ ọnyanaḅobe igbii ḅẹlẹma ḅo.

3 Jọn 1:12

Kị́nị́mamgba Demetirọs ibi dughoarị, karakárá ma so ọ ḅụ ibi dughoarị, wamịnị so ọ ḅụ ibi dughom, ọ pịghị nimim ḅẹ́ wámịna dugho págháma nyẹ ma karakárányẹ.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.