1 Pita 4:16 - Ibani New Testament

¹⁶ I ḅọ́rọ́ tọ́rụ́siarị ịrị Krais asọduaḅọ gosi, anịị ị ḅụgịrịmama, kụ́ma boma pa Tamuno pịrị ḅẹ́, ị Krais ẹ́rẹ́ ma dighiarị.

1 Pita 4:16 ပူးပေါင်းရင်းမြစ်များ

Fịrị Ḅara 11:26

ori, ori arị sáá, ori ọ pa Antịọkụ ḅoom. Gbẹ́rẹ́ kụ́rá gbọrụ nnị mmẹapụ ma igoniapụ sọ, sị pịghị nyẹ pa tọghaapụ diem, Antịọkụ ḅụ anịị parị mininiapụ ma parị Krais fịnị ḅara fịnịapụ pa n sị nyẹ.

Fịrị Ḅara 26:28

Agiripa warị Pọl ḅẹẹ, <<Ị sị ḅẹ́ mị kálá sáátụọ ma ḅụ, i ine ị pịghịma Krais ọḅụduaḅọ sọ bẹ?>>

Fịrị Ḅara 28:22

Kụ́ma wamịnị ị bịpị náa dọ́ghụm, ị tọ́rọ́ pa anị arịị, ḅẹ mị ogboapụ ma gbólómanyẹ, wa nimim ḅẹ́ ngaamamgba anị dughosima anịị nnị anị dughosimaarị nyẹ.>>

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Filipaiapụ 1:20

Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

Jems 2:7

Nnị anị pịghị n pa ọ sii ibi ẹ́rẹ́ ma dughosimaarị nyẹ.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

1 Pita 4:14

Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.

1 Pita 4:19

Anịgo tọ́rụ́siarịarịapụ ḅẹ́ anịị Tamuno tọ́ọ warị n pịrị ḅara, nnị nna ibiamịẹnyẹ ḅụ ḅọ́rọ́, n ḅụ saghị nna Tẹ́mẹ́ḅọ ḅarabie sua, ori sámámgba ọrẹ minini nyẹ warịarị ḅọ.