1 Pita 3:4 - Ibani New Testament

⁴ Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ.

1 Pita 3:4 ပူးပေါင်းရင်းမြစ်များ

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Matiu 21:5

< >>

Matiu 23:26

Ọmịnị Farisiiapụ, Tọ́rụ́pụ́apụ! Parị ọmọngọ ma na ẹ́fẹ́rẹ́ ma bie sịrị fiafiama, anịsáa oju ma so fiafiabẹm.

Matiu 5:5

Karịiḅi fịnị nna ḅụ sitérémaapụ pịrị tegó tuminikiri ma nna nyẹ sọ́bẹm!

Ibi Oku Ma Luk Anị Gịẹ Ḅara 11:40

Oḅoriapụ! Kuku ma tẹ́mẹ́ Tamuno ori sọ pịghị bie ma tẹ́mẹ́gha?

Ibi Oku Ma Luk Anị Gịẹ Ḅara 16:15

O warị n ḅẹẹ, <<Ọmịnị anịị ọḅụ diearịnyẹ ḅẹẹ ọmịnị karakárá ibiamịẹnyẹapụ túminị́ tórúku ḅụ, kụ́ma Tamuno ọmịna kúkúbie nimim. Túminị́ pa opuma nyẹ́sị nyẹ anị bẹnyẹ bẹnyẹ ḅụ ofori Tamuno tórúku.

Romapụ 1:23

nnị susi fịịfịịgha Tamuno ma pịrịbẹ nakaragha, nnị susi fịị bẹ túminị́ kịka sị nnị kárányẹ pịrịm anịgha a fíní kịkanyẹ anịgha nama kịkanyẹ anịgha furo pa ikiri nwángịarị nyẹ.

Romapụ 2:29

tụ́ma karakárá Juuḅọ anịị dada Juuḅọ biebẹ, anịḅọ ma Tọ́ntọ́ Tẹ́mẹ́ ma tọ́ngọ̄ pẹ́lẹ́ fịrị ma nwángịmam n ḅọ tẹ́mẹ́bie nnị gịẹ kóróma ólóghó ma anị fịrị ma nwángịgha. Ọkọfịnị tumḅọ Tamuno ḅara ḅo túminí nyanaḅoarị, túminị́ ḅara ḅo nyẹ́gha.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

Romapụ 7:22

Bẹ ị́yẹ́ duma bie Tamuno ólóghó ma koko i pụghọ tárịm.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 4:16

Mịma go anị wámịna tẹ́mẹ́bie kụrọmagha sọ, wamịnị ọkọ minighaa, karakárányẹ ḅẹẹ wámịna ojumẹnị kẹ́lẹ́kẹlẹ ḅụrụarị, kụ́ma wámịna tẹ́mẹ́bie duma ma anịị ene gbọrụ gbọrụ ḅụ nnị anị mịẹ iwomaarị.

Galesiaapụ 5:23

ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

Kolosiapụ 3:3

O fịịmam gosi, ọmịna duma mị́sa n pa Krais na Tamuno bie ḅọghum.

1 Tẹsalonaikaapụ 4:11

Pa ọmịna fịrị mịẹ ḅẹ ọ diin duma kọọm, tọ́rụ́ pa jẹ́apụ nyẹ bie suama, ọmịnị ọmịna ḅara pa fịrịnwangị ọ ḅụ pịrị, wa parị dugho ọ pịrị ḅara.

2 Tẹsalonaikaapụ 3:12

Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe.

1 Timoti 2:2

ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ.

2 Timoti 2:25

diin ḅara pa i nana nụnaapụ ma daatụ́ghụ́ma, tegó Tamuno ine mịẹbẹm si nnị asọ árị sị sii ḅụ pịghị sị karakáráma nimii.

Taitọs 3:2

Dugho n pịrị ḅẹ́ nnị gbẹ́rẹ́ḅọ sọ dughosima ma, kụ́ma diin dọghụ, nangwọ mịẹ, pịghị ḅụ́sitéréma ḅara pa kị́nị́mamgba na ngaa.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.