1 Pita 3:21 - Ibani New Testament

²¹ Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

1 Pita 3:21 ပူးပေါင်းရင်းမြစ်များ

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Ibi Oku Ma Mak Anị Gịẹ Ḅara 16:16

Mininiḅọ gonyẹ́ gonyẹ́ sị pịghị mingi sara, dụaḅọ́rọ́ma nyánábẹm mininighaḅọ nnị n gulugulumabẹm,

Ibi Oku Ma Jọn Anị Gịẹ Ḅara 13:9

Saimọn Pita warị pagharaa, <>

Fịrị Ḅara 16:33

Anị gbẹ́rẹ́ sáá ma ḅụ dii ma bie, ikóliwarị kúrúḅọ ma nna akịm sị nna ịnọ siri, ori na ọ wárị gbọrụ anị gbẹ́rẹ́kiri mingi saram.

Fịrị Ḅara 2:38

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Fịrị Ḅara 22:16

Anịgo ị pịghị tẹ́ go sáá ngumaarị? Saghị sị mingi sara, sị ị́yẹ́ sii siri si bẹ ḅara ịrị ori ẹ́rẹ́ ma sị tẹ́ghẹ̄arị ḅara.>

Fịrị Ḅara 8:36

Nnị pa muarị sa, nnị ḅo gbẹ́rẹ́ angaá lam nnị mingi árị ngaa, opu tumḅọ ma warị ḅẹẹ, <> [

Fịrị Ḅara 8:37

Filipụ warị ọ ḅẹẹ, <<Ị ḅọ́rọ́ ị tẹ́mẹ́ gbọrụ pa minini minini, ị inebẹm.>> Ọ warị págháraa ḅẹẹ, <>]

Romapụ 5:14

Kụ́ma Adam sa ḅụ ákị mú Mosis sa ma ḅụ ngaapụ gonyẹ́ gonyẹ́ fịịm, Adam sịbị gánágánáma Tamuno ólóghó ma pịrị ḅara pa siinyẹ miẹghapụ sọ fịịm, Adam anịị ḅo bẹḅọ ma kịkaanyẹ, anịị Jizọs Krais.

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

1 Kọrịntịapụ 4:6

Anịgo, i jẹa miniapụ, ọmịna sịbị goo, a mịị nyẹ ma pa ịḅụ na Apọlọs mịẹm, wamịnị mmẹapụ pa anị kịkamanyẹ pa ọ dáwọ́ ma sị ọmịnị ine mị ẹ́gẹ́rẹ́ ma dughonyẹ nimi bẹ ḅara, <> Ọmịna ḅụ gbẹ́rẹ́ḅọ sọ isiḅọ pa bịpịkpọ ma sị isi ngaḅọ dighisimaa.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Galesiaapụ 3:27

Ọmịnị kị́nị́mamgba o mingi saramam sị o Krais na gbẹ́rẹ́ ḅụ ḅụ fịnị, mị́sa n Krais duma pa ọ́ suamam sọ́ḅọ́rọ́ ọmịna suabịtẹ.

Ẹ́fịsọsapụ 5:26

Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa.

Kolosiapụ 2:12

Ọ mingi sara sáá nnị ọmịnị na Krais dipi gbolomam, mingi sara ḅụ n pịghị ọmịnị na Krais saghịmam, ọmịna minini Tamuno kụ́rọ ma ḅụ, fịị bie ọ sághịma ḅọ.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Timoti 6:12

Minini ibi owu ma sọọ, gbámásó duma ma ọlọ sẹ́ma ịḅụ pịrị, mị duma ma goo anị Tamuno goo ị siinyẹ ị́ ị́yẹ́ minini dugho wásáma sáá tọgha onyésẹapụ tórúku.

Hiburuapụ 10:22

Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 11:19

Ebraham mininim bẹ Tamuno ine fịị ḅụ Aizik saghịmabẹm. Ẹ́gẹ́rẹ́kọọ ḅara ḅụ Ebraham fịị ḅụ pịghị Aizik nyánaḅom.

Hiburuapụ 13:18

Ọ pa tẹ́ghẹ̄ wa pịrị. Wa nimim ḅẹẹ wa fíafía tẹ́mẹ́ nyanam, wa pịghị karakárá nyẹ́ ma mịẹ dọghụm sámámgba.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Hiburuapụ 9:24

Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 3:16

O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.