1 Pita 3:2 - Ibani New Testament

² Tegó nnị árịbẹm ị́yẹ́ mịẹnyẹ kpainm ḅara, ị pịghị osigha nyáná ḅara.

1 Pita 3:2 ပူးပေါင်းရင်းမြစ်များ

Ẹ́fịsọsapụ 5:33

Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.

Ẹ́fịsọsapụ 6:5

Ómóniapụ ọ ḅáláfa na osigha pa tuminikiri ọmịna nyánáapụ dughonyẹ mịẹ, pịghị fíafía tẹ́mẹ́ pa anị mịẹ, sọ́ḅọ́rọ́ ọ fịrịnwangị Krais pịrịarị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 3:20

Wamịnị sobie amaapụ anịgosi wa wa ḅụ sẹ́ghịma wámịna dụaḅọ́rọ́ma ḅo Kị́nị́nyánáḅọ Jizọs Krais kúruarị sị o sobie saghị ḅoo.

Kolosiapụ 3:22

Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 3:1

Anị gbẹ́rẹ́ ḅárá ma ọmịnị taapụ ḅụsímínímá ọmịna deeapụ pịrị, ḅọ́rọ́ nna ḅụ Tamuno ẹ́gẹ́rẹ́ mininigha ḅo imi, ị́yẹ́ ibiamịẹnyẹ warị mịẹbẹm sị n minini, mịma ị gbẹ́rẹ́ ẹ́gẹ́rẹ́ so kọọ na ibighaa.

1 Pita 3:3

Ọmịnị oju birima nyẹ pa ọmịna ḅụ birimama pa die ḅẹ́ ọ fiafiam, anịị ọ sịbị mịẹḅara, sua ḅụ́birimaarị odoḅala, na pịghị o suaarị bịtẹ.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,