1 Pita 3:18 - Ibani New Testament

¹⁸ Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Pita 3:18 ပူးပေါင်းရင်းမြစ်များ

Matiu 27:19

Paileti pa kpọrọfịnịarị sa ḅẹ́rẹ́kọ ịkasị ma ọ́gọ́nọ, ọ taa mị oku ma pa ọ fịrịmam: <<Árị ḅẹẹ sii ḅụ ofori owitụ́wọ ma ị́yẹ́ ori na ḅẹnyẹ ḅẹnyẹ nyanagha, ḅẹẹ dáwọ́ju dii bie a opuma tọ́rụ́siarị arịm ọ sịbị gosi.>>

Matiu 27:24

Paileti árị sáá ḅẹẹ mị ḅẹ́rẹ́ ma ori ine kọọ mú sịbị laamabịgha kụ́ma opu ḅẹ́rẹ́ ḅoarị, ọ mingi akịm sị pa ọ ḅara sịrị túminị́ kpo ma tórúku, dughoarị ḅẹẹ, <>

Ibi Oku Ma Jọn Anị Gịẹ Ḅara 16:10

karakárá ibiamịẹnyẹ gbolomanyẹ, ọ mịẹbẹm sị tuminikiriapụ nimi ḅẹẹ, irị karakárá ibiamịẹnyẹ a Daḅọ ma dámámụarị gosi ọmịnị mịnị jẹ́ pa ị́yẹ́ arịbịghaa ngaa;

Fịrị Ḅara 22:14

<

Fịrị Ḅara 3:14

Ori tọ́ntọ́ ibi tumḅọ, kụ́ma ọmịnị ọ sịghịịm, tụ́ma bii ḅẹẹ nnị kị́nị́ ḅáḅọ́ wáriso ọ pịrịị.

Romapụ 1:4

Ori ḅo ḅara gbolomanyẹ Tamuno ma ḅara, na pịghị ori tọ́ntọ́, Tamuno opu kụrọ ḅụ diem bẹ ori anị Tamuno ma Tụ́wọ ma ori fịị ḅụ ọ saghịma sáá, Jizọs Krais wámịna Nyánáḅọ.

Romapụ 4:25

Wámịna sii gosi nnị ọ saghị fịị ḅarabie suam warị pịghị duma ḅụ ọ saghịma, sị ọ wa pa Tamuno na karakárá ḅụ warị bẹ ḅara.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 8:11

Ḅọ́rọ́ fịị ḅụ Jizọs Krais saghịma Tamuno Tẹ́mẹ́ ma ọmịna biebẹ ngam, anịsa ori Krais saghịma ḅọ fịị ḅụ pịghị duma pa ọmịna fịị bẹ ojumẹnị ma pịrịbẹm. Ọ Tẹ́mẹ́ ọmịna oju bie ngáarị nyẹ ma ḅụ ḅọ́rọ́ mịma mịẹbẹm.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

2 Kọrịntịapụ 1:24

Ḅẹgha ḅẹ́ wa dugho ọ pịrịarị ḅẹ́ ọ minini, wa nimim ḅẹ́ ọ sẹ kụrọm ọmịna minini ḅụ, Anịmanakaragha wamịnị ó nana nwángị gbólomaarị ọmịna bieḅẹlẹ bẹ ḅara.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Hiburuapụ 9:26

Anị ḅọ́rọ́ ọkọ ọkụ́ma, ọ tọgha tọgha igwa gwamam saghị tuminikiri saghị sa éné éné. Tụ́ma, mị́sa, anịsa mamgba kunema ḅụ, o ḅomam sị gbẹ́rẹ́ sáá, samamgba sii sịrị si, ori ọrẹ oju pa igwagwaá sii pịrị ḅara.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

Jems 5:6

Ị ḅẹ́rẹ́kọpẹ́lẹ́mam pịghị gbẹ́rẹ́nyẹ sọ nímighaapụ ḅáfámamam n pịghị i nana nụnaghaa.

1 Pita 3:19

Tẹ́mẹ́ju ma ḅụ ọ mú Tamuno ẹ́gẹ́rẹ́ ma kọọ n pa ịkóli bie sua tẹ́mẹ́ ma pịrịm.

1 Pita 4:1

Krais ojumẹnị ḅụ tọ́rụ́siarị ḅara, ọmịnị so ọmịna ḅụ mịẹ karakáráma warị anị gbẹ́rẹ́ ḅara ma, tegó ojumẹnị ma pa tọ́rụ́siarịmáa ḅo sii mịnị n ḅọ ḅụ kụrọ nyanagha.

1 Pita 4:6

Anị n go ibi oku ma dugho pa fịịmaapụ ma so pịrịnyẹ n dumafịnị sáá, anị ḅara ma ḅụ, nnị n sịbị ḅẹ́rẹ́kọ bẹ mḅẹ́so tuminikiri nnị mịẹnyẹ ḅụ, n kị́nị́mamgba sịbị ḅẹ́rẹ́kọ ḅara. Nnị dumabẹm tẹ́mẹ́ju Tamuno ma dọghụ ḅara.

1 Jọn 1:9

Wa ḅọ́rọ́ wámịna sii kịẹ Tamuno pịrị, ori ọrẹ minini nyẹ warịbẹm, pịghị karakárányẹ ma mịẹ, ọ wámịna sii ḅụ ḅárási wa pịrịbẹm pịghị wa sịrị fiafiama wámịna irima fịrị gonyẹ́ gonyẹ́ ḅụ.