1 Pita 3:16 - Ibani New Testament

¹⁶ O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.

1 Pita 3:16 ပူးပေါင်းရင်းမြစ်များ

Matiu 5:11

<

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

Fịrị Ḅara 28:22

Kụ́ma wamịnị ị bịpị náa dọ́ghụm, ị tọ́rọ́ pa anị arịị, ḅẹ mị ogboapụ ma gbólómanyẹ, wa nimim ḅẹ́ ngaamamgba anị dughosima anịị nnị anị dughosimaarị nyẹ.>>

Romapụ 9:1

A tụ́manyẹ ma dughoarị Krais ḅụ mininiḅọ ḅara ḅụ a iruonyẹ dughogha, Tọ́ntọ́ Tẹ́mẹ́ ma ḅẹrẹtọ pịrịarị i tẹ́mẹ́bie pịghị onyẹsẹ́ i pịrịarị ḅẹ́ a iruonyẹ dughogha.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

2 Timoti 1:3

A ịmịẹḅam pa Tamuno ḅẹ́m a fíafía tẹ́mẹ́bie pa fịrịnwangị pịrịarịḅọ ị́yẹ́ tádọ́apụ ọ tẹ́ghẹ̄ ḅara. A ịmịẹḅam pa Tamuno ḅẹ́m dii na ḅá na ḅụ a ọ pa biekórómáarị ḅara ị́yẹ́ tẹ́ghẹ̄ ḅụ.

Taitọs 2:8

I nyẹ́diearị sáá, túminị́ ine ị dughosimabịgha ibi ẹ́gẹ́rẹ́ pa ị́yẹ́ dienyẹ ma die si ị́yẹ́ iruonaapụ ḅụ́gịrịrị bẹ ḅárá. Tegó nnị ḅara pụnụ nyẹ nyánágha nnị go wa dughosima bẹnyẹ.

Hiburuapụ 13:18

Ọ pa tẹ́ghẹ̄ wa pịrị. Wa nimim ḅẹẹ wa fíafía tẹ́mẹ́ nyanam, wa pịghị karakárá nyẹ́ ma mịẹ dọghụm sámámgba.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 2:15

Tamuno bim ḅẹ́, ọmịnị ọmịna ibifịrị ḅụ ḅọ́rọ́ o nyẹ ḅụ ófórigha oḅoriapụ ma bịpị pụ́ma nna oḅori ẹ́gẹ́rẹ́ ḅụ.

1 Pita 2:19

Tamuno bieḅẹlẹarị tegó, ḅọ́rọ́ ori ẹrẹ́sị tumḅọ árị na ibighaa tọ́rụ́siarị arịị sa.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

1 Pita 4:4

Mị́sa ma ḅụ Tamuno nímighaapụ ma anị n tọ́rụ́ bulubulumaarị o go mịnị n dua ḅara la ḅara la ḅara duma ma kọgha nyẹ, anịma go n warị o dugho simam.