1 Pita 3:1 - Ibani New Testament

¹ Anị gbẹ́rẹ́ ḅárá ma ọmịnị taapụ ḅụsímínímá ọmịna deeapụ pịrị, ḅọ́rọ́ nna ḅụ Tamuno ẹ́gẹ́rẹ́ mininigha ḅo imi, ị́yẹ́ ibiamịẹnyẹ warị mịẹbẹm sị n minini, mịma ị gbẹ́rẹ́ ẹ́gẹ́rẹ́ so kọọ na ibighaa.

1 Pita 3:1 ပူးပေါင်းရင်းမြစ်များ

Matiu 18:15

<<Ḅọ́rọ́ ị́yẹ́ mịná owitụ́wọ i miẹsimam, muu ọ mịẹ isima nyẹ ma pa o die, ọmịnị mmẹapụ ogbobie ọ ḅọ́rọ́ ị pughu pughu ị́ ị numboru owitụ́wọ nyanaḅomam.

Romapụ 10:16

Izirẹlịawọ mamgbagha ibi oku ma daákịmáapụ. Aizaya kọkọ dugho ḅẹẹ, <>

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

Romapụ 7:2

Pa tọ́ma ḅụ, ólóghó ma deeyaa ọ́rụ́ḅọ pa a dee ḅụ kpọm, o dumafịnị sa gonyẹ́ gonyẹ́, kụ́ma ọ fịị n ḅẹḅẹ n pa nnị mmẹapụ fịna ólóghó ma ḅụ nnị a fiimamam.

1 Kọrịntịapụ 11:3

Kụ́ma a biim ḅẹẹ sị ọmịnị akanyaḅo ḅẹẹ Krais ma, ori ma sịbịdá owitụ́wọ gonyẹ́ gonyẹ́ pịrịm, deeḅọ ma sịbịdá ọ taá pịrịm, Tamun ma ori ma pịghị sịbịdá Krais pịrịm.

1 Kọrịntịapụ 14:34

Ẹ́rẹ́ámáapụ ma bịpị gbẹ́ẹ̄ sọsị sọsị bie. Nnị kụ́rọ pa n pịrịgha ḅẹẹ nnị ẹ́gẹ́rẹ́ẹ́, kụ́ma sughubie fịnị, ólóghó ma dugho ḅara.

1 Kọrịntịapụ 7:16

Ị tọ́rọ́ pa nimi, Krais asọ duarị táaḅọ ḅẹẹ ị dee ịḅụ ḅọ́rọ́ dụaḅọ́rọ́ma nyánábịgha? Anịgha ị tọ́rọ pa nimi Krais asọ duarị deeḅọ ḅẹẹ ị itáa ịḅụ ḅọ́rọ́ dụaḅọ́rọ́ma nyánábịgha.

Ẹ́fịsọsapụ 5:33

Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.

Kolosiapụ 3:18

Taapụ ọ sịbị pa ọmịna deeapụ sughubie sua mịị ḅara ma anịị anị karakárá ḅara Kịnịyánáḅọ ma tórúku.

Kolosiapụ 4:5

Nyẹ́nimi ḅara pa ị́yẹ́ duma kọọ, mininighaapụ ma ogboku, ị nyána sáá ma pa ibifịrị ḅụ suu.

2 Tẹsalonaikaapụ 1:8

Ọ kọrịfịnị ḅẹ́lẹ̄ pa ḅobẹm sị fom ḅárá pa Tamuno sịghịịapụ ma fom na pịghị Krais Jizọs gboloma ibi oku ma osighaapụ.

Hiburuapụ 11:8

Minini anị Ebraham mịẹnyẹ sị ọbịpị pughu nyẹ, Tamuno osii sa ḅẹ́ ori ọrẹ sẹ wáriso sị o minini ọ pịrị ama ma mú. Ori ọrẹ ámá warịsom nimigha o muarị anga.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 3:2

Tegó nnị árịbẹm ị́yẹ́ mịẹnyẹ kpainm ḅara, ị pịghị osigha nyáná ḅara.

1 Pita 3:7

Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.